Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин сөзчүсү Аббас Әрагчи ијулун 18-дә журналистләрә ачыгламасында Инҝилтәрә илә мүнасибәтләрдән вә 5+1 групу илә данышыглардан сөз ачыб.
Ҹәнаб Аббас Әрагчи Инҝилтәрә хариҹи ишләр назири Уилјам Һејгин Иранла мүнасибәтләри јахшылашдырмаға һазыр олмасына даир бәјанатына тохунуб: “Иран Ислам Респулкиасынын јени сечилмиш президентинин дә билдирдији кими, Ислам Республикасынын сијасәти авропа бирлијинә үзв өлкәләр, о сырадан да Инҝилтәрә илә гаршылыглы мәнафе вә еһтирам принсипи әсасында конструктив мүнасибәтләри ҝенишләндирмәкдир. Иран Ислам Республикасы она доғру атылан хошмәрамлы вә конструктив аддымлары мүсбәт гаршылајаҹаг”.
Аббас Әрагчи Иранын 5+1 групу (АБШ, Инҝилтәрә, Франса, Русија, Чин вә Алманија) илә нүвә данышыглары барәдә бунлары дејиб: “Иран Ислам Республикасы нүвә силаһларынын јајылмамасына даир бејнәлхалг мүгавиләни имзалајан өлкәләрдән биридир. Һесаб едирик ки, јалныз ҹидди вә сәмәрәли данышыгларла гаршылыглы разылыға ҝәлмәк мүмкүндүр. Артыг тәһдид вә санксијаларын нәтиҹәсизлији сүбут олунуб. Мәһз буна ҝөрә дә Ислам Республикасы Иран халгынын сијаси ирадәсинә сөјкәнәрәк 5+1 групу илә нөвбәти нүвә данышыгларына гатылаҹаг”.
Диггәт: Хәбәрдән истифадә етдикдә мәнбәјә истинад лазымдыр
