Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн баш редактор Ниҹат Әлијевин вә онунла бирликдә тәгсирләндирилән Нәсиров Елвин, Ҹамалов Горхмаз, Һүсејнов Елимхан, Һүсејнов Самир, Тофигли Емин, Мәммәдов Сәфәр, Әлијев Әлинин нөвбәти мәһкәмә иҹласы кечирилиб.
Мәһкәмә иҹласы һаким Зејнал Ағајевин сәдрлији илә саат 12:00-дан етибарән башлајыб. Просесдә јалныз бир шаһид диндирилиб.
Шаһид Ариф Әһмәдов мәһкәмәјә ифадә вермәмишдән әввәл вәкил Елчин Әлијев һакимә билдириб ки, шаһидләрин чағырылмасынын иҹрасында ҹидди мәшғул олмаг лазымдыр. Һаким өз нөвбәсиндә мүвафиг тәдбирләрин ҝөрүләҹәјини билдириб.
Һаким: кими таныјырсан?
Шаһид: һеч кими.
Д.и: Ифадәдә демисиниз ки, сизә һансыса дүканын јанында диск верибләр. Һансы магазин иди? Ады нә иди?
Шаһид: Сумгајытда. Ады јадымда дејил.
Вәкил: нечәнҹи дәфә сәнинлә растлашырыг?
Шаһид: 2-ҹи дәфә.
Вәкил: 3-ҹү дәфә. Утанмырсыз?
Һаким: бир шаһид ганунла бир нечә просесдә шаһидлик едә биләр.
Вәкил: Сизи ким дәвәт етди полисә?
Шаһид: полисә өзүм дедим.
Вәкил: башга һансы ҹинајәт ишиндә шаһидлик етмисиз?
Шаһид: наркотик.
Д.И: бунун ишә нә аидијјаты вар?
Вәкил Јалчын Иманов: Биз бу адамдан шүбһәләнирик ки, полислә әлбирдир.
Вәкил: дискдә нә вар иди?
Шаһид: дини чағырыш.
Вәкил: о чағырышлар пис иди, ја јахшы?
Шаһид: билмирәм.
Вәкил: протокола һарада гол чәкмисиз?
Шаһид: јадымда дејил.
Әлијев Әли: мәни таныјырсыз, ҝөрмүсүз һардаса?
Шаһид: хејр.
Шаһид мәһкәмә иҹласыны тәрк етди. Вәкил Елчин Әлијев исә һакимә мүраҹиәт едәрәк билдирди ки, 27-ҹи полис бөлмәсиндән Рөвшән Әкбәров, Натиг Танрывердијев, Һүсејнов Елмар, Ҹаббаров Мүшвиг, Танрывердијев Ислам вә һал шаһиди Ҹаванширов Елчинин мәһкәмәдә иштиракы тәмин олунсун.
Һаким Зејнал Ағајев мәһкәмә просесини ијулун 11-и саат 10:30-а гәдәр тәхирә салды.
Диггәт: Хәбәрдән истифадә етдикдә мәнбәјә истинад лазымдыр
