Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 3 ијулда Бәрдә рајон мәһкәмәсиндә 5 октјабр аксијасында иштирак едән Сејид Нәсими Јусиф оғлу Һәсәновун мәһкәмәси кечирилиб.
Она ики маддә илә иттиһам ирәли сүрүлүб.
Ҹинајәт мәҹәлләсинин 228.1 вә 234.1 маддәләрилә мәһкәмәси кечирилән инанҹлы Сејид Нәсими Һәсәновун мәһкәмәсинә онларла јерли инанҹлы ҝәлиб.
Шаһидләр, иттиһам тәрәфи диндирилиб.
Даһа сонра Һаким Нәсими Һәсәновдан "өзүнүзү тәгсирли һесаб едирсинизми:?" суалыны вериб.
Сејид Нәсими Јусиф оғлу Һәсәнов исә "јох" дејәрәк она гаршы бу иттиһамлары рәдд етдијини билдириб вә баш верән һадисәни мәһкәмәдә белә нәгл едиб: "Мән Бәрдә рајон Полис Идарәси тәрәфиндән ахтарыша верилдијими ешитдикдән сонра бөлмәјә ҝетдим. Орда олдуғум вахт әрзиндә полисләр атамын јанына ҝедиб машынымын ачарыны истәјибләр. Атам мәнә зәнҝ едәрәк полисләрин ачары истәдикләрини деди. Мән разы олдум. Сонра поислә бирликдә машына бахыш кечирилди. Машынымдан силаһ чыхарылды. Әлин архадан гандаллы иди. Бөлмәјә дахил оланда арха тәрәфдән сол ҹибимә чох сајда бүкүлмүш наркотик маддәләр гојдулар."
Мәһкәмә заманы һал шаһиди өзүнү "јандырды"...
Белә ки, һал шаһиди мәһкәмәд деди ки, силаһ Нәсиминин машынындан чыхды. Бу ҹавабы ешидән һаким деди: "Машын нә рәнҝдә иди?".
Шаһид исә "ја ағ иди, ја да гара".
Гејд едәк ки, машынын рәнҝи нә ағ, нә дә ки, гара олуб...
Нөвбәти просес 10 ијул тарихә тәјин едилиб.
Диггәт: Хәбәрдән истифадә етдикдә мәнбәјә истинад лазымдыр
