Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Гарабағ Азадлыг Тәшкилатларынын фәаллары вәлијји-фәгиһин Әрдәбил әјаләтинин нүмајәндәси Сејид Һәсән Амили илә ҝөрүшүбләр.
Ҹүмә намазындан сонара баш тутан бу ҝөрүшдә Гарабағын азад олунмасы јоллары барәдә мүзакирәләр олуб вә Ајәтуллаһ Сејид Һәсән Амили ән әсас јол кими Азәрбајҹан Республикасынын Ислам өлкәләри илә өз мүнасибәтләрини артырмасыны ҝөстәриб. О, һәмчинин билдириб: "Иранын Азәрбајҹана гаршы мөвгеји һәмишә достлуг, гардашлыг вә һөрмәт олмушдур".
Гарабағын азад олунмасы просеси ҝеҹикдикҹә мәсәләнин чәтинләшәҹәјини диггәтә чатдыран имам ҹүмә дејиб: "Гарабағын азад олунмасы диҝәр ишғал едилмиш әразиләрин азадлығы кими һөкумәт вә халг арасында бағлылығын артмасына еһтијаҹлыдыр".
Вәлијји-фәгиһин нүмајәндәси Гарабағын азад олунмасы үчүн Иран вә Азәрбајҹан арасында даһа артыг әмәкдашлыға еһтијаҹын олдуғуну билдириб.
Азәрбајҹан мүхтәлиф синифдән олан вәтәндашлары илә ҝөрүшүндә онларын проблемләри илә танышлығыны өнә чәкән имам ҹүмә дејиб: "Азәрбајҹанда мүхтәлиф саһәләрдә монополија вардыр вә бу әһалинин проблемләрини артырыр".
Рәһбәрлијин Експертләр Мәҹлисинин үзвү Гарабағын азад олунмасынын бүтүн мүсәлманларын, о ҹүмләдән Иран халгынын арзусу олдуғуну билдириб вә Гарабағын азадлығы ардынҹа Шуша мәсҹидинин азад олаҹағы вахт Шуша мәсҹидиндә о шәһәрин халгы үчүн хүтбә охујаҹағына үмид етдијини дејиб.
Ҝөрүшүн сонунда Гарабағ Азадлыг Тәшкилатынын сәдри Акиф Нағы Гарабағ мөвзусунда јазылмыш бир нечә китабы Ајәтуллаһ Сејид Һәсән Амилијә һәдијјә едиб.
Һәмчинин, Гарабағ Уғрунда Ислами Мүгавимәт Һәрәкатынын сәдри Рөвшән Әһмәдли Азәрбајҹан Республикасынын бајрағыны вәлијји-фәгиһин Әрдәбил әјаләтиндә нүмајәндәсинә һәдијјә едиб вә она гонагпәрвәрлијинә ҝөрә тәшәккүр едиб.
Рөвшән Әһмәдли Азад Гарабағ Уғрунда Алјансын һејәт үзвләринин Тәбриз вә Әрдәбилә сәфәрини, Иранын алим вә дөвләт рәсмиләри илә ҝөрүшләрини Гарабағ мәсәләсинин просесиндә дөнүш нөгтәси адландырыб вә Әрдәбилин имам ҹүмәсиндән Гарабағын азад олунмасы үчүн дуа етмәсини истәјиб.
Әрдәбилин имам ҹүмәси ҝөрүшүн сонунда иштирак едән гонагларын һәр биринә бир ҹилд Гуран һәдијјә едиб.
Диггәт: Хәбәрдән истифадә етдикдә мәнбәјә истинад лазымдыр
