Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасында мөһтәшәм кечирилән президент счкиләриндә Һөҹҹәтүл Ислам Доктор Һәсән Руһани сәс чохлуғу илә, президент сечилди.
Иран Ислам Республикасынын Дахили Ишләр Назирлијинин мәлуматына ҝөрә, Һөҹҹәтүл Ислам Һәсән Руһани 18 613 329 сәслә (50.07 фаиз) галиб ҝәлиб.
Гејд едәк ки, Һөҹҹәтүл Ислам Доктор Һәсән Руһани 1999-ҹу илдән Експертләр Шурасынын үзвү, 1991-ҹи илдән Мәгсәдәујғунлуг Шурасынын үзвү, 1989-ҹу илдән Али Милли Тәһлүкәсизлик Шурасынын үзвү олуб, 1992-ҹи илдән исә Стратежи Арашдырмалар Мәркәзинин директору вәзифәсини тутуб.
Руһани, һәмчинин 1989-2005-ҹи илләр әрзиндә Ислам Мәсләһәт Шурасынын витсе-спикери вә Али Милли Тәһлүкәсизлик Шурасынын катиби олуб.
Диггәт: Хәбәрдән истифадә етдикдә мәнбәјә истинад лазымдыр
