Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн һҹри гәмәри тарихинин 4-ҹү ил (милади тарихи илә 626-ҹы ил) Шабан ајынын 4-ү һәзрәт Имам Һүсејнин (әлејһис сәлам) тәвәллүд ҝүнүдүр. Имам Һүсејн (әлејһис сәлам) Мәдинә шәһәриндә дүнјаја ҝәлмишдир. Атасы һәзрәт Имам Әли (әлејһис сәлам) вә мүгәддәс анасы, Ислам Пејғәмбәринин гызы, Ханым Фатимәји Зәһрадыр (сәламуллаһи әлејһа).
Биз АБНА олараг бу хош бајрамы башда Имам Заман (Аллаһ онун зүһуруну тезләшдирсин) һәзрәтләри олмагла, һагг наиби, Дүнја Мүсәлманларынын Лидери, Иамм Хаменеи ҹәнаблары, һәмчинин бүтүн бәшәр вә ҹин тајфаларына тәбрик әрз едирик.
Имам Һүсејнин (әлејһис сәлам) һәјатына гыса бахыш
Һәзрәти Һүсејн ибн Әли (әлејһис сәлам) евин икинҹи өвлады вә үҹүнҹү Имам олараг, өз һәјаты боју зүлм вә һагсызлыға гаршы мүбаризәдә шүҹаәт вә азадлыгсевәрлији илә мәшһур олмушдур.
Имам Һүсејн (әлејһис сәлам) ушаглыг дөврүнүн алты илини бабасы Пејғәмбәрин (сәлләллаһу әлејһи вә алиһ) јанында кечирмишдир.
Ислам Пејғәмбәрин (с) шәһадәтиндән сонра отуз ил атасы Иамам Әли илә бирҝә јашамыш вә Имам Әлинин һакимијјәти дөврүндә ирәли чыхан чәтинликләрдә фәал иштирак етмишдир.
Иамам Әлинин шәһадәтиндән сонра (һиҹрәтин гырхынҹы илиндән) сијаси вә иҹтимаи сәһнәләрдә гардашы Иамм Һәсән (әлејһис сәлам) илә чијин-чијинә чалышмышдыр.
Иамм Һәсәнин (әлејһис сәлам) шәһадәтиндән сонра (һиҹрәтин әллинҹи илиндән) он ил мүддәтинә гәдәр Аллаһын ләнәтинә ҝәлмиш Мүавијә ибн Әбу Сүфјанын һакимијјәти дөврүндәки Ислами вәзифәләр, Имам Һүсејнин өһдәсинә дүшмүшдүр. Мүавијәнин өлүмүндән сонра һакимијјәт башына ҝәлән Језидин дөврүндә ингилаб етмиш вә нәһајәт, һ.г. 61-ҹи или (м. 680) Мәһәррәм ајынын 10-да Ирагын Кәрбәла чөлүндә фаҹиәви шәкилдә шәһид едилмишдир.
Имам Һүсејндән нәгл олунан рәвајәтләр
1- امام حسین علیه السلام: لاتـَرفع حــاجَتَک إلاّ إلـى أحـَدٍ ثَلاثة: إلـى ذِى دیـنٍ، اَو مُــرُوّة اَو حَسَب
Имам Һүсејн (әлејһис сәлам) бујуруб: “Үч шәхсдән башга һеч кимә ағыз ачма. 1- Диндар, 2- Мүрүввәтли (мәрд адама вә кишиликә хас олан јахшы сифәтләри өзүндә ҹәмләшдирән шәхс; рәһм, инсаф, мәрһәмәт, инсанлыг вә.с) инсан, 3- Әсл-нәҹабәтли вә мөһтәрәм аиләдән олан шәхс.”
(Туһәфул Угул, сәһ. 247)
2- امام حسین علیه السلام: أیما اثنَین جَرى بینهما کلام فطلب أحدهما رضَـى الاخر کانَ سابقة الىَ الجنّة
Имам Һүсејн (әлејһис сәлам): “Араларында мүбаһисә дүшән ики нәфәрдән һәр һансы бири, диҝәринин разылығыны әлә ҝәтирәрсә, Беһиштә һаммыдан габаг дахил оланлар сырасындадыр.”
(Кәшфүл Ғиммә фи Мәрифәтил Әиммә (әлејһимус сәлам), ҹилд. 2, сәһ. 33)
3- امام حسین علیه السلام: لاأفلَحَ قـَومٌ اشتَـروا مَـرضـاتِ المَخلـُوق بسَخَطِ الخـالِق
Имам Һүсејн (әлејһис сәлам): “Ҹаматын ҝөзүндә јахшы олмаг үчүн, Аллаһын гәзәбини газанан халг, һеч бир заман хошбәхт олмаз.”
(Биһарул Әнвар, ҹилд. 44, сәһ. 383.)
4- امام حسین علیه السلام: إنَّ شِیعَتَنا مَن سَلمَت قُلُوبُهُم مٍن کلِّ غَشٍّ وَ غِلٍّ وَ دَغَلٍ
Имам Һүсејн (әлејһис сәлам): “Һәгигәтән дә бизим шиәләрин гәлбләри, һәр һансы бир гатышыглыгдан (ихлассызлыгдан), һијләҝәрликдән вә алдатмаглыгдан узагдыр.”
(Имам Һәсән Әскәријә (әлејһис сәлам) мәнсуб Тәфсир, сәһ. 309.)
5- امام حسین علیه السلام: لا یأمَن یومَ القیامَةِ إلاّ مَن خافَ الله فِی الدُّنیا
Имам Һүсејн (әлејһис сәлам): “Гијамәт ҝүнү Аллаһын дәһшәтли әзабындан јалныз, дүнјада Аллаһ гаршы ҝүнаһ ишләтмәкдән горхан инсанлар амандадыр.”
(Мәнагиб Ибни Шәһри Ашуб, ҹилд. 4, сәһ. 69 вә Биһарул Әнвар, ҹилд. 44, сәһ. 192.)
6- امام حسین علیه السلام: أَعجَزالنّاسٍ مَن عَجَزَ عَنِ الدُّعاء
Имам Һүсејн (әлејһис сәлам):” Ән аҹиз инсан, Аллаһа дуа едә билмәјән шәхсдир.”
(Биһарул Әнвар, ҹилд. 81, сәһ. 257. Вә Биһарул Әнвар, ҹилд. 90, сәһ. 291.)
7- امام حسین علیه السلام: اَلبُکاءُ مِن خَشیةِ اللهِ نَجآةٌ مِنَ النّارِ
Имам Һүсејн (әлејһис сәлам): “Аллаһа гаршы үсјан етмәкдән горхараг ағламаглыг, инсаны ҹәһәннәм атәшиндән узаг едәр.”
(Ҹамиул Әхбар, сәһ. 97)
8- امام حسین علیه السلام: مَن حاوَلَ اَمراً بمَعصِیَةِ اللهِ کانَ اَفوَتَ لِما یَرجُو وَاَسرَعَ لِمَجئ ما یَحذَرُ
Имам Һүсејн (әлејһис сәлам): “Аллаһа ҝүнаһ етмәкдә исрар едән шәхс, һеч заман үмүд етдији ишә чата билмәз вә ниҝәран олдуғу бүтүн ишләр дә, она тез үз ҝәтирәр.”
(Усул Кафи, ҹилд. 2, сәһ. 373 вә Усул Кафи, ҹилд. 4, сәһ. 117)
9- امام حسین علیه السلام: اِنّ اَعفَی النّاسِ مَن عَفا عِندَ قُدرَتِهِ
Имам Һүсејн (әлејһис сәлам): “Гүдрәт әлиндә олдуғу заман, дүшмәнини бағышлајараг әфв едән шәхс, ән мәрһәмәтли инсандыр.”
(әл-Дуррәл Баһирә, ҹилд. 71, сәһ. 400)
10- امام حسین علیه السلام: من اَحبک نهاک و من اَبغضک اَغراک.
Имам Һүсејн (әлејһис сәлам): “Сәни хәтрини истәјән шәхс, сәнин ишләриви, үзүвә тәнгид едәр. Сәнинлә дүшмәнчилик едән шәхс исә, даим үзүвә мәдһијәләр сөјләјәр вә ишләриви тәрифләјәр.”
(Нәзһәтун Назирә, сәһ. 88)
11- امام حسین علیه السلام: من دلائل العالم إنتقادة لحدیثه و علمه بحقائق فنون النظر.
Имам Һүсејн (әлејһис сәлам): “Бу аләмин мөҹүзәләриндән бири дә, мәһз өз дүшүнҹә вә дедикләрин һаггда дүшүнәрәк, диҝәр инсанларын мүхтәлиф дүшүнҹәләриндән аҝаһ омагдыр.”
(Биһарул Әнвар, ҹилд. 75, сәһ. 119)
12- امام حسین علیه السلام:لا تقولوا باَلسنَتکم ما ینقُص عَن قَدَرَکم
Имам Һүсејн (әлејһис сәлам): “Дилинизә елә сөз ҝәтирмәјин ки, сизи дәјәрдән салсын.”
(Ҹәлаилул Ујун, ҹилд. 2, сәһ. 205)
Диггәт: Хәбәрдән истифадә етдикдә мәнбәјә истинад лазымдыр
