Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын илк арашдырма вә космик нәзарәт базасы президен Мәһмуд Әһмәди Нежадын иштиракы илә истифадәјә верилиб. Бу мәркәзин иншасында мәгсәд космик ҹисимләрин изләнилмәсидир.
Имам Садиг (ә) адландырылан Иран Ислам Республикасынын илк арашдырма вә космик нәзарәт базасында радар изләмә, електро-оптик изләмә, радио-изләмә үзрә үч изләмә үсулу вардыр. Бу мәркәз ахтарыш вә космик ҹисимләри изләмәк габилијјәтинә маликдир.
Иран Ислам Республикасынын мүдафиә назири Мүдафиә Назирлијинин електроника мүтәхәссисләри тәрәфиндән дизајн олунан вә дүзәлдилән бу бөјүк милли лајиһәнин ачылыш мәрасиминдә дејиб: “Өлкәнин космик системләринин тәһлүкәсизлијини тәмин етмәк истигамәтиндә космик ҹисимләр, хүсусилә дә өлкәнин сәмасы үзәриндән кечән пејкләри даим арашдырмалыјыг”.
Ҝенерал Әһмәд Вәһиди әлавә едиб ки, бу базанын истифадәјә верилмәси илә ИИР-ын космик технолоҝија һалгасы тәкмилләшиб.
Гејд едәк ки, бу лајиһәнин иҹрасы илә, Иран Ислам Республикасы, артыг космик ҹисимләри изләмәк габилијјәтинә малик олан өлкәләрин сырасына дахил олду.
Хатырладаг ки, дүнја үзрә бу иши баҹара билән јалныз 9 өлкә вардыр ки, ИИР онларын онунҹусу олду.
Диггәт: Хәбәрдән истифадә етдикдә мәнбәјә истинад лазымдыр
