Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән "әл-Нүсрә" террорчулары "Һизбуллаһ" мүҹаһидләри илә Гусејрдә дөјүшдә ҝөрдүкләрини данышмалары онларын "хаин" адландырылмасына сәбәб олуб. Суријадакы үсјанчы групун командирләриндән бири дә бу "хаин"ләр арасындадыр.
Әл-Аләм телевизијасынын хәбәринә ҝөрә, "Нүсрә" террорчу ҹәбһәнин командирләриндән бири Гусејр шәһәриндә "Һизбуллаһ" дөјүшчүләри илә гаршылашмаларыны белә шәрһ едиб: "Мән Әфганыстан вә Ирагда иримигјаслы әмәлијјатларда иштирак етмишәм. Ливијада Гәддафи илә дөјүшдүм, амма Гусејрдә бизимлә дөјүшән адамларда ҝөрдүјүм әзм вә ирадәјә саһиб, горхусуз инсанлара өмрүмдә раст ҝәлмәмишәм. Онлар өлүм мөвзусунда биздән даһа үстүндүрләр. Белә ки, онларла гаршылашынҹа "Нусра" ҹәбһәси дөјүшчүләри Гусејрдән гачдылар."
Бу командир даһа сонра дејиб: ""Һизбуллаһ" дөјүшчүләри мејдана ҝирдикдә бөлҝәдәки нәзарәти итирдик. Онлар һаггында бәзи шејләр ешитмишдим, амма диггәт јетирмәмишдим. Гусејрдә һәгигәтләри ҝөзләримлә ҝөрдүм."
Гејд едәк ки, 2006-ҹы илдә дә, Исраил әсҝәрләринин "ағ палтарлы руһа охшајан шәхсләр бизә һүҹум едирди" демәсиндән сонра, бу һәрбчиләрә "психоложи хәстәләр" ады верилмиш, даһа сонра онлар хәстәханаларда намәлум шәраитдә дүнјаларыны дәјишмишдиләр. Диггәт: Хәбәрдән истифадә етдикдә мәнбәјә истинад лазымдыр
