Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасәнРуһуллаһ Ахундзадәнин оғлу Муһәммәдәли Ахундзадә атасынын ағыр дуруму илә бағлы, Астара руһаниләри вә зијалыларынын ҹидди нараһатлыг кечиртдикләрини билдириб. Исламазери сајтына ачыглма верән Муһәммәдәли Ахундзадә билдириб:
"Бисмиллаһир-рәһманир-рәһим.
2011-ҹи илдә шәрләнәрәк зиндана салынмыш, мәнәви ишҝәнҹәләр нәтиҹәсиндә ағыр дәрәҹәли инфаркт кечирән Руһуллаһ Ахундзадәнин хәстәлијинин мүалиҹәси үчүн Пенитансиар хидмәтин тибб мәнтәгәсиндә мүтәхәссисләри өзләринин дә етираф етдији кими шәраит јохдур вә онун һәјаты һәр ан тәһлүкә гаршысындадыр. Бунлары нәзәрә алараг Р.Ахундзадәнин азадлыға бурахылмасыны тәләб едирик! Шәһид Вагиф Абдуллајевлә бағлы бурахылан сәһви тәкрарламамаға чағырырыг. Бу зүлмү нә Аллаһ нә дә Азәрбајҹан халгы гәбул етмәз.
Астара рајон Ағсаггаллар, Руһаниләр, Зијалылар вә Диндарлар комитәси."
Мәһәммәдәли Ахундзадә бунунла бағлы “Медиа форум”а да ачыглама вериб: “Һәким атамын сағалаҹағына зәманәт вермир. Һәкимин дедијинә ҝөрә, она гәти тәрпәнмәк олмаз. Амма мүәссисәдәки шәраит буна имкан вермир, һәбсханадан һеч бир фәрги јохдур. Бир отагда 15-20 хәстә јатыр. Сигарет чәкирләр, сәс-күј јараныр. Атама исә әсәбиләшмәк, һәјәҹанланмаг олмаз. Данышанда белә әл-ајағы гыҹ олур. Сәһһәти илә әлагәдар атамын азадлыға чыхмасыны истәјирик. Мәһкәмәјә тәгдим етмәјә мүәссисәнин рәјини истәмишик, һәлә ала билмәмишик”.
Әдлијјә Назирлији Баш Тибб Идарәсинин Мүалиҹә Мүәссисәсинин баш һәкими “Медиа форум”а билдириб ки, Руһулла Ахундзадәнин дуруму елә дә ағыр дејил: “Артыг ҝәзә билир, данышыр. Һавалар истидир, әлверишли олмадығы үчүн хәстә һәлә бир ај да мүәссисәдә сахланаҹаг. Мүалиҹә мүәссисәсиндә аиләси илә дә тез-тез ҝөрүшүр. Һәбсханада бу имканлар олмајаҹаг дејә әлавә стресс јашана биләр”.
Диггәт: Хәбәрдән истифадә етдикдә мәнбәјә истинад лазымдыр
