Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијәдә ҝөзләнилмәдән Адуллаһ Ҝүл вә Тәјјиб Әрдоғанын мүртәҹе сијасәтләринә гаршы баш верән етираз аксијалары, артыг Истанбул, пајтахт Анкара, Измир вә башга шәһәрләри дә бүрүјүб. Лакин бүтүн бу етираз аксијаларына бахмајараг, Әрдоған Ҝези паркындакы етиразлара сәрт ҹаваб вериб.
Полис гүввәләри исә, бу ҝүн баш верән етираз аксијаларыны дағытмаг мәгсәди илә, хүсуси вәһшилик нүмајиш етдириб. Чевик полис алајлары, мүлки вәтәндашлара, ҝөзјашардыҹы газлардан, резин ҝүлләләрдән, истиот маддәләриндән вә.с инсан бәдәнинә ҹидди хәсарәт јетирән аләтләрдән истифадә едиб.
Бу арада Түркијә дөвләтинә бағлы медиалар исә, өлкәдә баш верән күтләви наразылыг һалларыны мәһз, екаложи етираз кими ҹилвәләндирмәјә сәј ҝөстәрирләр.
Гејд едәк ки, Түркијәдәки Таксим аксијасына дәстәк артыг өлкәдән хариҹдә дә һәјата кечирилир. Белә ки, алдығымыз мәлумата әсасән бу ахшам, Азәрбајҹандан вә Түркијәдән олан ҝәнҹләр, Бакынын Фәвварәләр мејданында топлашараг, Истанбулун Таксим мејданында аксија кечирән динҹ әһалијә дәстәк, нүмајишчиләрә ҝүҹ тәтбиг едән полисләрә етираз билдирмәк үчүн аксија кечирибләр.
Диггәт: Хәбәрдән истифадә етдикдә мәнбәјә истинад лазымдыр
