Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән мајын 30-да Нәриманов Рајон Гондарма Мәһкәмәси диндар мәһбуслар Бәхтијар Гурбанов вә Рөјал Әсҝәровун һәбс мүддәтинин узадылмасы илә бағлы гәрар чыхарыб.
Вәкил Осман Казымов билдириб ки, мәһкәмә ҝәнҹ диндарларын психи дурумунун експертизасы вә телефон данышыгларынын арашдырылмасы үчүн онларын һәбс мүддәтинин ијунун 31-дәк узадылмасыны ваҹиб сајыб.
Хатырладаг ки, ҝәнҹ диндарлар Бәхтијар Гурбанов вә Рөјал Әсҝәров апрелин 2-дә һәбс олунублар.
Апрелин 11-дә Дахили Ишләр Назирлији вә Баш Прокурорлуг бирҝә гондарма мәлумат јајыб. Гондарма мәлуматда дејилир ки, апрелин 2-дә намәлум шәхсләр Нардаран гәсәбәсиндә јерләшән, халг артисти Зејнәб Ханлароваја мәхсус бағ евинин гаршысында автомат силаһдан атәш ачараг јандырмаг мәгсәдилә онун һәјәтинә ичәрисинә јандырыҹы маје долдурулмуш шүшә габлар атыблар: “Даһа сонра вәтәндаш Рафиг Ибраһимовун бағ евинин һәјәтинә дә јандырыҹы габлар атылыб, биринҹи мәртәбәнин шүшәләри сындырылыб вә диварына “Талеһ Бағырова азадлыг!” сөзләри јазылыб.
Елә һәмин ҝүн, тәхминән саат 5:35 радәләриндә Бакы Шәһәр Иҹра Һакимијјәтинин јахынлығында шүбһәли шәхс гисминдә Бәхтијар Гурбанов вә Рөјал Әсҝәров сахланылыб. Онларын әлләриндәки чантадан 1 әдәд 5 литрлик пластмас су габында вә 4 әдәд 1 литрлик габларда бензин, даш парчасы, памбыг, сүнҝәр вә көһнә шалвар ҝөтүрүлүб. Илкин диндирмә заманы онлар Бакы Шәһәр Иҹра Һакимијјәтинин инзибати бинасы әтрафында әввәлҹәдән бир нечә дәфә мүшаһидә апардыгларыны, Тале Бағыровун һәбсинә вә Һиҹаба гојулан гадағаја етираз олараг иҹра һакимијјәтини јандырмаг, бунунла да вәтәндаш итаәтсизлији вә ажиотаж јаратмаг истәдикләрини “етираф” едибләр. Лакин бүтүн бунлара бахмајараг, халг артисти Зејнәб Ханларова медиаја вердији ачыгламада, бу гондарма ојунун мәмур сахтакарлығынын бариз бир нүмунәси олдуғуну вә Тале Бағыровун белә бир иш ҝөрмәдијини там әминликлә бәјан едәрәк, Дахили Ишләр Назирлијиндән ону бу гондарма ојуна дахил етмәмәкләрини тәләб едиб”.
Диггәт: Хәбәрдән истифадә етдикдә мәнбәјә истинад лазымдыр
