Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Инҝилтәрәдә кечирилмиш сон рәј сорғуларындан бириндә 33,2 милјон нәфәр христиан олдуғуну демишди, нүфузлу “Тһе Даилј Маил” гәзети исә буна инанмыр.
Гәзет 3 фото дәрҹ едиб. Фотолардан бириндә Лондонун Ҹон Уисли сәмтиндәки 230 иллик тарихи килсәдә ибадәт заманыдыр. Килсәдә ҹәми 12 нәфәр вар.
Икинҹи фотода Лондонун шәргиндәки Мүгәддәс Мери килсәсиндәки ибадәтдир. Ајин залы 1000 нәфәр тутса да, орада вур-тут 20 нәфәр вар.
Үчүнҹү фотода исә Лондонун Слајтолфилдс сәмтиндәки Брјун Стрит Естејт мәһәлләсидир. Бурадакы мәсҹидә ҹүмә намазы үчүн 1000 нәфәр јығышыб, бир о гәдәр дә инсан күчәдә намаз гылыр.
“Бу фотолара диггәтлә бахын. Онлар өлкәдәки вәзијјәти истәнилән сорғулардан даһа јахшы әкс етдирир. Јашананлар ҝөстәрир ки, Инҝилтәрәдә христианлыг артыг кечмиш, Ислам исә ҝәләҹәк диндир. Мәсәлән, бангладешлиләрин ҹәми 100 нәфәр тутан Мәсҹидиндә һәр ҹүмә намазында ән азы 500 нәфәр намаз гылыр”, – гәзет јазыб.
Сон 10 илдә Инҝилтәрәдә өзүнү христиан сајанларын сајы 71,1 фаиздән 59,3 фаизә дүшүбсә, Мүсәлманларын сајы 4,8 фаиз артараг 2,7 милјон нәфәрә чатыб.
Даилј Маил јазыр: “50 ил әввәл кимсәнин ағлна ҝәлмәзди ки, өлкәдә килсәјә ҝедән хриситианларын сајы намаз гылан Мүсәлманлардан аз олаҹаг. Онилләр сонра Мүгәддәс Ҝеорг килсәси јенә инанҹлы инсанларла долу олаҹаг. Лакин онлар христианлар олмајаҹаглар”.
Диггәт: Хәбәрдән истифадә етдикдә мәнбәјә истинад лазымдыр
