Әһли Бејт -АБНА- хәбәр аҝентлијинин вердији хәбәрә әсасән милад тарихи илә мај ајынын 26-нә тәсадүф едән һиҹри гәмәри тарихинин “Ҹәмадиул Ула” ајынын 5-и әзиз Ислам Пејғәнбәринин гыз нәвәси Ханым Зејнәбин шәһадәт ҝүнүдүр.
Биз АБНА олараг бү мүсүбәти башда Имам Заман (Аллаһ онун зүһурун тезләшдирсин) һәзрәтләринә, онун һагг наиби Имам Хаменеијә вә һәмчинин бүтүн бәшәријјәтә дәрин һүзүнлә баш сағлығы веририк. Вә Ханым Зејнәбин һәјаты һаггда гыса мәлуматы зијарәтчиләримизә тәгдим едирик:
ХАНЫМ ЗЕЈНӘБИ КУБРАНЫН (Ә) ҺӘЈАТЫ ҺАГГЫНДА
Ханым Зејнәб Һиҹри Гәмәри тарихиилә Һиҹрәтин 6-ҹы или, Ҹәмадиул Ула ајынын 5-и, Мәдинә шәһәриндә дүнјаја ҝәлиб.
Һәзрәт Зејнәб атасынын рәһбәрликдән тәҹрид олунараг, евдә отурмаға мәҹбур едилмәсинә һәлә кичик јашларында шаһид олду. Һалбуки атасынын һәр кәсдән даһа әдаләтли вә Һәзрәт Рәсулаллаһын (с) јериндә отурмаға һәгиги ләјагәтә малик одуғуну билирди. Бәли, бу һадисәләр Һәзрәт Зејнәбин шәхсијјәтинин формалашмасында бөјүк бир тәсир гојур вә о, бу нәтиҹәни чыхарды ки, мәсулијјәтли олан гадын, киши, һәр кәс шәраит нә олурса-олсун әлиндән алынан һаггыны ҝәри алмаг үчүн даим мүбаризәјә галхмалы вә һаггыны мүдафиә әтмәлидир.
Һәзрәт Зејнәб әмиси оғлу Абдуллаһ илә әвләнмишди. Бу евлиликдән ики ушағы олмушду. О, һәр ики оғлуну Кәрбала һадисәсиндә һаггын мүдафиәси уғрунда шәһид верди...
Һәзрәт Фатимәнин Мәдинәдә атасынын мәсҹидиндә сөјләдији нитги, Һәзрәт Зејнәбин (ә) Куфә шәһәриндә вә мәлун Јәзидин сарајында сөјләдији нитгијлә мүгајисә әтдикдә, Фатимәнин (с.ә) дүшүнҹә систәминин вә сосиал мәсәләләр гаршысындакы давранышын Зејнәбдә (с.ә) мүһүм тәсирләр гојдуғуну ачыг-ајдын ҝөрә биләрик. Чүнки Фатимә (ә) гызы Зејнәбә инанҹын тәмәлини вә әсасларыны өјрәтмишди. Тарих боју һагг вә әдаләт истәјәнләрин башына ҝәләнләри Зејнәбә хатырлатмышды. О, гызына инсанлардан ибарәт олан ҹәмијјәти хурафатдан вә синфи ајырмалардан хилас етмәк үчүн неҹә мүбаризә етдикләрини, чәтинликләрлә үзләшдикләрини, һансы тәбәгәнин мүхалифлији илә гаршылашдыгларыны вә әслиндә Пәјғәмбәрлә зорба вә һијләҝәр сијасәтчиләрин мүхалифәт етдикләрини Һәзрәт Мүһәммәдин дә онлара гаршы Аллаһын әмрләри илә мүбаризә апардығыны бир-бир изаһ етмишди.
Һәзрәт Зәјнәб анасы вә атасынын шәһадәтинин шаһиди олду. Елә бир ана вә ата ки, дағлар гәдәр әзәмәтлијдиләр. Һәзрәт Зејнәби кәдәрләндирән бир һадисә дә Имам Һәсәнин (ә) Мүавијәјә гаршы апардығы мүбаризәдә, Имамын ордусунун өндә ҝедәнләри дини дүнјаја сатараг пул гаршылығында мөвгеләрини дәјишмәләри вә ордунун галан әсҝәрләринин Имамын ханымларына аид олан зинәт әшјаларыны оғурламалары иди.
Имам Һәсәнин (ә) һәјат јолдашы Ҹүддә тәрәфиндән зәһәрләнәрәк шәһид едилмәсинә вә чәкдији дәрдләрә Ханым Зејнәб (ә) шаһид олмушду. Бундан әввәл дә Ҹәдди Пејғәмбәрин (с) анасы вә үммәтин анасы Ханым Фатимәнин (ә) шәһид олмасы, әзиз атасынын хәвариҹләр тәрәфындән шәһид едилмәси, сонра исә һәјат јолдашынын вәфаты Зејнәби (ә) тагәтсиз гојмушду. Зејнәб (ә) үчүн ән бөјүк дәрд исә гардашынын шәһадәтиндән сонра Мүавијәнин зүлмүнү давам етдирәрәк, фасиг оғлу Језиди сәлтәнәтинин вариси етмәси олмушдур.
Мүавијә бир чох ҹинајәт ишләтдикдән сонра өлдү. Мүавијәдән сонра фасиг оғлу Језид, Имам Һүсејндән (ә) бејәт алмаға гәрар верир. Имама едилән бејәт тәклифи гаршылығында, Һәзрәт белә бујурур: "Језид кимиси үммәтин башына кечәрсә, Ислам мәһв олуб ҝәдәр". Имам куфәлиләрин девәтини гәбул едәрәк бир груп јахыны илә Мәдинәдән Мәккәјә доғру јола чыхмышды. Һәзрәт Зејнәб дә бу карванда гардашы илә бирликдәјди вә өзүнү бөјүк бир вәзифә үчүн һазырлајырды. Тәәссүф ки, о аҹы ҝүнләр башлајырды, Мәһәррәмин биринҹи ҝүнү башлајан изтираб јолчулуғу онунҹу ҝүн олан Ашура ҝүнү сона чатмышды вә фасигләр заһирән галиб ҝәлсә дә, анҹаг көнүлдә мәғлуб олмушдулар. Һәзрәт Зејнәб Кәрбәла гәһрәманларынын мүбаризәсинә шаһид олуб. О, һәтта ики оғлунун Кәрбәла мејданында мәрданә савашараг шәһадәтә јүксәлмәләринин шаһиди дә олмушдур. Һәзрәт Зејнәб Әһли-Бејтә едилән бүтүн һагсызлыглары вә гәддарлыглары өз ҝөзләри илә ҝөрүрдү. Анҹаг һәр шејә сәбрлә дөзүрдү. Һәзрәт Зејнәбин әсл дәрди Кәрбәладан сонра башланмышды. Језидин әсҝәрләри бу гәдәр инсанлары шәһид етмәклә раһатланмамыш, ҝеридә галан мүдафиәсиз гадынлара вә ушаглара аид бүтүн дәјәрли әшјалара гәнимәт адындан әл гојмушлар вә чадырлары јандырмышлар.
Орада јалныз һәр шејләри әлиндән алынмыш Әһли-Бејт гадынлары вә јетим ушаглар галмышды. Һәзрәт Зејнәбин мәсулијјәти инди башлајырды. Чүнки Имам Һүсәјнин шәһадәтиндән сонра аиләнин башына кечмишди. Фатимә кими бир ананын гызы олан Зејнәб Кәрбәла һадисәсиндән сонра Пәјғәмбәрин (с) "Ҹиһадын ән үстүнү залымын гаршысында һаггы сөјләмәкдир" һәдисинә әмәл етмишди. Буну Јәзидин һүзуруна чыхарылдыгда сөјләдији нитг илә исбатламышды. Куфә вә Шамда халга етдији хүтбәләр сајәсиндә Језид һөкумәтинин сонуну һазырламыш вә бејинләрә јенидән ҝәрчәк Исламы доғру олараг гәбулуну тәмин етмишди. Чәкдији дәрдләрә бахмајараг, Зејнәб (ә) Мәдинә гадынларына да өјүдләр вермиш, онлара гадын мәсулијјәтинин садәҹә ушаға бахмаг, палтар вә ја габ јумагдан ибарәт олмадығыны сөјләмишди. Гадын бир инсан олараг иҹтимаи мүнасибәтләрдә мүһүм рол ојнамалыдыр вә өнҹүллүк етмәлидир.
Диггәт: Хәбәрдән истифадә етдикдә мәнбәјә истинад лазымдыр
