Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән хаин террор групларына гаршы бөјүк налијјәтләр газанан Сурија Милли Ордусу, дүнән дә өлкә дахилиндә әмәлијјатларыны давам етдирәрәк, чохлу сајда террористи зәрәрсиз һала ҝәтирәрк, силаһ вә мүһимматларыны әлә кечиртмишдир.
Һәрби гајнаглардан верилән мәлумата ҝөрә, Сурија Милли Ордусунун Дәмәшг әтрафында јерләшән Јәбруддакы сәнаје бөлҝәсиндә апардығы мөһтәшәм әмәлијјатлар нәтиҹәсиндә, ичәрисиндә әксәријјәти хариҹи вәтәндашлар олан террорчуларла бирликдә, јараглылара аид бомба вә партлајыҹы емалатхана мәһв едилиб.
САНА-ја ачыглама верән һәрби гајнаг бу һаггда дејиб: “Өлү олараг әлә кечән јараглылардан 12-синин мүхтәлиф террор групларынын Командирләри олдуғу билинди”.
Мәнбә азғын јараглыларын чохунун Сәудијјә Әрәбистаны, Тунис, Либја вә Әфганыстан әсилли олдугларыны да билдириб.
Дәмәшг әтрафында Һаристә шәһәриндә исә, Сурија Милли Ордусу “Пајтахт Галханы Бригадалары” адлы вәһши террор груплашмасына гаршы апардығы амансыз Тәмизләмә Әмәлијјатлары нәтиҹәсиндә, јараглы бригада үзвләринин чохуну өлү вә јаралы салды. Мәһв едилән террорчуларын арасында 'Әбу Һејсам' код адлы јараглы командирин олдуғу гејдә алыныб.
Сәлаһијјәтли гајнаг САНА-ја ачыгламасында Сурија Милли Ордусунун Дәмәшг әтрафында Шијфонијә бөлҝәсиндәки Сәнаје мәнтәгәси вә Дума бөлҝәсинин Тәл Күрди әтрафындакы фермаларда чохлу сајда террор јувасыны, ичиндәкиләр илә бирликдә дармадағын етдијини билдириб. Мәнбә әмәлијјатларда террорчуларын нәзарәтиндә олан силаһ вә мүһимматларын да мәһв едилдијини гејд едәрәк, тәсирсиз һала ҝәтирилмиш террорчулар сырасында Гассан әл-Һәнәфи вә Әбу Суһәјб әл-Картума адлы комадирин олдуғуну дејиб.
Сурија Милли Ордусунун, Рејһан фермаларында азғын террорчуларын Милли Ордунун һәрәкәтләрини мүшаһидә етмәк үчүн гурдуглары мүасир типли радиотехника, рабитә ҹиһазлары вә камераларыны да тәхриб етдијини гејд едән һәрби гајнаг, бу һаггда дејиб: “Минаахтаран командаларымыз, террористләр тәрәфиндән әразидә јерләшән јолларда бастырылан 3 бомба гурғусуну зәрәрләшдирмишләр”.
Диҝәр тәрәфдән Сурија Милли Ордусу, Зибәдәни шәһәринин гәрбиндә, азғын террорчулара гаршы апардығы Тәмизләмә Әмәлијјатлары заманы, јараглы үнсүрләрин чохуну зәрәрсиз һала ҝәтирәрәк, Нәбк шәһәринин әл-Саки сәмтиндә дә, террор групунун изинә дүшәрәк ҝери гачан јараглы үнсүрләрин чохуну сурсатлары илә бирликдә тәсирсиз һала ҝәтириб.
Ҹобар бөлҝәсиндәки “Мүәллимин” бинасы јахынлығында 7 террорчуну тәсирсиз һала ҝәтирәрән Сурија Милли Ордусу, Дәмәшгин Бәрзи вә Габыг бөлҝәләриндә дә хејли сајда јараглыны силаһларыјла бирликдә дармадағын едиб.
Диггәт: Хәбәрдән истифадә етдикдә мәнбәјә истинад лазымдыр
