Әһли Бејт -АБНА- хәбәр аҝентлији- Бу ҝүн үч ибадәт ајларындан бири сајылан Рәҹәб ајынын биридир. Бәзи рәвајәтләрә ҝөрә Рәҹәб ајынын бири Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) нәслиндән олан мәсум өвлады, Ислам Аләминин бешинҹи Имамы, Муһәммәд Багирин (әлејһис сәлам) анадан олан ҝүнүдүр.
Бу ҝүн дүнја мүсәлманларынын ән севинҹли ҝүнләриндән биридир. Биз АБНА олараг дүнја мүсәлманларынын бу севинҹинә гошулар вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләри вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Имам Муһәммәд Багирин (әлејһис сәлам) гыса инҹиләри:
1 – Сәнә беш шеји төвсијә едирәм: 1- Сәнә зүлм етсәләр, сән зүлм етмә. 2- Сәнә хәјант етсәләр, сән хәјанәт етмә. 3- Сәни тәкзиб (инкар) етсәләр, гәзәбләнмә. 4- Сәни тәрифләсәләр, фәрәһләнммә. 5- Әҝәр сәни данласалар, өзүндән чыхма.
(Биһарул Әнвар. Ҹилд 75. Сәһифә 167)
2 – Јахшы сөзү һәр кимдән олурса олсун, бахмајараг ки, сөз саһиби она әмәл етмир, гәбул ет (вә өјрән).
(Биһарул Әнвар. Ҹилд 75. Сәһифә 170)
3 – Елм вә һелмин бир-бири илә тәркиб тапмасы (админ: јәни бир инсанда һәм елм ола һәм дә һелм) кими һеч бир ҝөзәл тәркиб тапмыш бир шеј јохдур (админ: Һелм, сәбрин ән јүксәк мәртәбәсинә дејилир).
(Биһарул Әнвар. Ҹилд 75. Сәһифә 172)
4- Кәмалын ән али нөгтәси, Дини дүзҝүн анламаг, Мүсибәтләрә сәбр етмәк вә доланышыгда дүзҝүн таразылыг јаратмагдыр.
(Биһарул Әнвар. Ҹилд 75. Сәһифә 172)
5 – Үч шеј Дүнја вә Ахирәтин јахшы хисләтләриндән сајылыр: 1- Сәнә зүлм едәнә ҝүзәштә ҝедәсән. 2- Сәндән гырылыб ајры дүшән адамла достлуғуву бәрпа едәсән. 3 – Сәнинлә наданҹасына рәфтар едилән ан сәбирли оласан.
(Биһарул Әнвар. Ҹилд 75. Сәһифә 173)
6 – Адамлар бир шеји бир-бириндән истәдикләри заман исрар етдикдә Аллаһ буну бәјәнмир. Лакин Аллаһын хошуна ҝәлир ки, инсанлар ондан бир шеји истәдики ан исрар едиб тәкид етсинләр.
(Биһарул Әнвар. Ҹилд 75. Сәһифә 173)
7 – Алимин елминдән фајда апарыларса о, алим 70 мин абиддән даһа да јахшыдыр.
(Биһарул Әнвар. Ҹилд 75. Сәһифә 173)
8 – Алим шәхс јалныз о кәсдир ки, өзүндән елмлисинә пахыллыг етмәјә вә өзүндән зәифинә гаршы да алчаг нәзәрлә бахмаја.
(Биһарул Әнвар. Ҹилд 75. Сәһифә 173)
9 – Хош нијјәтли инсанын рузиси һәмишә чох олар.
(Биһарул Әнвар. Ҹилд 75. Сәһифә 175)
10 – Аиләси илә хошрәфтар олан инсанын өмрү артар.
(Биһарул Әнвар. Ҹилд 75. Сәһифә 175)
11 – Өз јахын гоһум вә әграбалары илә әлагәләри јахшылашдырмаг, әмәлләри пак едәр, мүлк вә малы чохалдар, бәланы узаглашдырар, Ахирәтдә һесаб китабы асанлашдырар вә инсанын өлүмүнү тәхирә салар.
(Биһарул Әнвар. Ҹилд 71. Сәһифә 111)
12 – Башгаларынын һаггында елә данышын ки, истәрдиз ки,сизин һаггынызда о ҹүр ән јахшы сөзләри данышсынлар.
(Биһарул Әнвар. Ҹилд 65. Сәһифә 152)
Диггәт: Хәбәрдән истифадә етдикдә мәнбәјә истинад лазымдыр
