Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн 11 Мај 2013 тарихдә, Түркијәнин Сурија илә сәрһәд зонасы олан Рејһанијјә шәһәриндә ҝүҹлү партлајыш акты гејдә алыныб.
Партлајыш заманы 40 инсанын өләрәк 100 нәфәрин исә мүхтәлиф дәрәҹәли бәдән хәсарәтләри алараг јараландыглары билдирилир. Лакин Рәҹәб Тәјјиб Әрдоған исә бир нечә саат бундан өнҹә гурбанларын сајынын 20 нәфәр олдуғуну билдирмишдир.
Әлдә олан мәлуматлара ҝөрә, Рејһанијјә Иҹра Апараты јахынлығында, ичәриси партлајыҹы гурғуларла долу ики машынын вә Иҹра Апаратына атылан ики ракет нәтиҹәсиндә бу ганлы һадисә баш вериб.
Гејд едәк ки, бејнәлхалг ТВ каналларынын бир нечә дәгигә бундан өнҹә вердији хәбәрләрә әсасән, Рејһанијјә шәһәриндә нөвбәти үчүнҹү партлајыш акты баш вериб.
Хатырладаг ки, Рејһанијәдә баш верән бу нөв террор актлары, бу ҝүнә кими Пакистан, Ираг, Әфганыстан, Сурија, Ливан кими өлкәләрдә дә әл-Гаидә террор груплашмалары вә онун диҝәр шахәләри олан вәһаби-сәләфи јөнлү тәкфирчи фиргәләри тәрәфиндән дәфәләрлә гејдә алыныб.
Диггәт: Хәбәрдән истифадә етдикдә мәнбәјә истинад лазымдыр
