Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Мајын 10-да руһани Абҝүл Сүлејманов барәсиндә Гарадағ Рајон Мәһкәмәсинин 24 апрел гәрарындан Бакы Апеллјасија Мәһкәмәсинә шикајәт верилиб.
Билдирәк ки, апрелин 24-дә гондарма Гарадағ Рајон Мәһкәмәси 13 сајлы Ҹәзачәкмә Мүәссисәсиндә сәјјар мәһкәмә кечириб. Гондарма мәһкәмә мүәссисә рәһбәринин тәгдиматына бахыб вә руһанинин 6 ај мүддәтинә Гобустан һәбсханасына көчүрүлмәси һаггында әсассыз гәрар гәбул едиб.
Вәкил Ҹавад Ҹавадлы бу һаггда ачыглама верәрәк билдириб: “Ҹәзачәкмә мүәссисәсинин тәгдиматы әсассыздыр. Тәгдиматда Абҝүл Сүлејмановун ҹәза чәкдији мүәссисәдә радикал дини тәблиғат апармагла тәригәтләрарасы мүнагишә јаратмаға чалышдығы иддиа олунур. Бу, ҝүлүнҹ иттиһамдыр. Чүнки о, 13 сајлы Ҹәзачәкмә Мүәссисәсинә апарылан ҝүндән (7 феврал 2013-ҹү ил – ред.) карсерә салыныб вә камерада өзүндән башга јалныз бир нәфәр олуб”.
Хатырладаг ки, Һиҹаб Мәһбусу руһани Абҝүл Сүлејманов мөвҹуд әлијевләр режими тәрәфиндән ШӘРЛӘНӘРӘК 2011-ҹи илин август ајында һәбс олунуб. Руһани Гондарма Бакы Ағыр Ҹинајәтләр Мәһкәмәсинин 2012-ҹи илин августунда чыхардығы әсассыз һөкмлә 11 ил мүддәтинә “азадлыгдан” мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
