Әһли Бејт (әлејһимус сәлам) -АБНА- Хәбәр Аҝентлији- Чох олур ки, јерә јыхылмыш, тәпикләнән, ағзы-бурну ганла долмуш зәиф бири башынын үстүнү алмыш јекәпәрә “бахарсан” дејиб, һәдә бичир. Ешидәндә ки, торпагларынын 20 фаизи ишғал олмуш бир мәмләкәтин әслиндә мафиоз груплашмадан ибарәт “һөкумәти” кимәсә нота вериб ҝүлмәјин јери вар. Амма бир азәри түркү олараг биз бундан утаныр, хәҹаләт чәкирик. Киши әввәл евини, намусуну горујар, сонра кимәсә хорузланар, ја НОТАЛАНАР!
Иран Азәрбајҹаны ода вериб. Халгы јох а, Әлијев режимини. Диндарлары шәрләјән, пак инсанларын ҹибинә наркотика атан Әлијев режими! Неҹә ода вериб? Јевровижн бојда аилә карнавалыны топа тутуб, әлијевләрин кефинә зәһримар гатыб. Нә исә чох проблемләр вар Әлијевләрлә Иран арасында.
Дејирләр ортада ҝүнаһсыз адамлар јаныр. Диггәтлә бахсаг ҝөрәрик ки, әслиндә белә дејил. Мәсәлән, диндарлар һәбс олунур, дејирләр ки, Иранын һесабына ҝетди. Мараглыдыр ки, нә үчүн Пашазадә Иранын һесабына ҝетмир? Диндарлар Иранын һесабына ҝетди дејиб һај салан диндарнүмалар өзләри нијә Иранын һесабына ҝетмир? Ахмаглар, тохмаглар билмәмиш дејил ки, Азәрбајҹанда һәбсә алынан диндарлар Ислам дәјәрләри уғрунда мүбаризә апарыб, ҹанындан кечиб. “Иранын һесабына ҝетди” сөзү онлара хәјанәтдир, онларын тәһгиридир. Һаҹы Абҝүл, Һаҹы Тале вә онларла мүбариз диндар Иранын өзү үчүн гејрәт нүмунәси ола биләр. Нә үчүн бу инсанлары ләкәләјир вә өз әлалты диндарларыны ишә салыб “Иранын һесабына ҝетдиләр” дедирдирләр? Чүнки Иранла проблемләри вар. Иран АБШ башда олмагла бүтүн ишғалчы вә диктатор режимләрлә мүһарибәдәдир. Она ҝөрә дә Әлијевләр авам диндарларын өз дили илә гәһрәман һиҹаб мәһбусларыны алчалдыр. Исламы севән, Вәтәни севән оғул һәбсдәки диндарлар һаггында “Иранын һесабына ҝетди” јох, Ислам јолунда ҝетди дејәр!
Кечәк “Әлијевин һесабына ҝедән азәриләрә.” Инди Ирана мүалиҹәјә, алверә ҝедән һәмвәтәнләрин һеч пробеми јохдур. Проблем гәрәзли, кинли, дүшмән нијјәтли адамларындыр. Иранын да Азәрбајҹан кими ҝөмрүк кечид мәнтәгәсиндә гара сијаһысы вар. Бу сијаһы бүтүн дүнја өлкәләриндә вар.
Әһвалатын мараглы һиссәси...
Халидә Исмајылова! Атасынын ады Халид олдуғундан тәзәликдә Халидә Халид олуб. Әслән ләнкәранлыдыр. Елми ишчидир, Шәһријарын “Һејдәр бабаја салам” поемасы мөвзусунда тәдгигат апарыр. АМЕА Низами адына Әдәбијјат Институту, Түрк халглары әдәбијјаты шөбәсиндә ишләјир.
Беләҹә, Халидә Халид Шәһријарын тәдгигатчысы ады илә гәдәм гојур Иран торпағына. Ҝөмрүкдә нәзарәтә ҝөтүрүлүр вә изләнилир. Ҝәлиб чыхыр Иранда узун мүддәт ахтарышда олан Мәһәммәд Охтајын (Рәшиди) ата евинә! Апрелин 30-да ҝеҹә саатларында Тәһлүкәсизлик вә Кәшфијјат Назирлијинин әмәкдашлары евдә ахтарыш апарыр вә Халидә Халидин изи илә ҝәләнләр һәмин үнванда Мәһәммәд Охтајы тутур!
Инди Азәрбајҹан нота вермир, форс версин, дәјәри нәдир! Неҹә олур ки, Халидә Халид ахтарышда олан бир адамла ҝөрүшә ҝедир?
Азәрбајҹанда зијалылар да ода дүшүб, “Иран ода салыб зијалылары”. Иран гатыға ағ десә вә бир адам ону тәкрарласа олур Иран ҹасусу. Она ҝөрә дә зилјалы гатыға гара дејир ки, ону да наркотика илә тутмасынлар. Елчин Шыхлыдан Халидә Халид барәдә сорушанда дејир: “Ону Журналистләр Бирлијинә фәал ҝәлиб-ҝедән, јахуд да нә исә бир иш ҝөрән кими танымырам. 2006-ҹы илдән АЖБ-нин сәдријәм, Халидә Халид адда адам танымырам. Мүавинимә дә зәнҝ вурдум. О, һамыны таныјыр. Мәндән дә АЖБ-дә әввәл чалышыр. О да һәмин ханымы танымыр. Деди архивләри арашдырырыг, ҝөрәк сәнәдләр вармы. Совет дөврүндә Журналистләр Бирлијинин үзвү оланлар китабчаларыны ҝөтүрүб о ҝедән ҝедибләр. Һәлә дә елә билирләр ки, Журналистләр Бирлијинин үзвүдүрләр. Бирлијә үзв олмагдан өтрү һәр ил ҝәлиб өз үзвлүјүнү тәсдиг едәсән. Халидә Халид јәгин ки, үзвлүкдән чыхыб. Әлиндә көһнә китабча вар дејә, елә һесаб едир ки, һәлә дә Журналистләр Бирлијинин үзвүдүр. Бу о демәк дејил ки, о, журналист дејил. Садәҹә олараг мән ону танымырам. Инди арашдырмалар апарырыг, онун сәнәдләри тапылсын ҝөрәк о нечәнҹи илдә Журналистләр Бирлијинин үзвү олуб. Низамнамәјә ҝөрә артыг чохдан үзв дејил... Мән ондан имтина етмирәм. Ола биләр ки, о лап совет дөврүндә вә ја 15 ил бундан әввәл Журналистләр Бирлијинә үзв олсун. О вахтдан да китабчасыны ҝөтүрүб чыхыб. Ондан сонра Журналистләр Бирлијини танымыр. Чүнки ја китабча, ја да ев лазым оланда, ја да пенсијаја чыханда Журналистләр Бирлији јада дүшүр”. Јазыг Шыхлы дејә билмир ки, Халидә гарадыр... Јәни бу адамда нәсә гаранлыг мәгамлар вар. Десә...
Мәлуматда бу да вар ки, әмәлијјатда даһа бир Азәрбајҹан Республикасы вәтәндашы вә 4 Иран азәриси һәбс едилиб. Азәрбајҹан Республикасы вәтәндашынын Х. Халидин јардымчысы, “Шамах” (еһтималән Шамхал) адлы бири олдуғу дејилир. Ҝуја бизимкиләр вә иранлылар Охтајын анасынын доғум ҝүнү мүнасибәтилә онун ата евинә топлашыбмышлар.
Халидә Халидин аилә үзвләри дә хәбәри интернетдән өјрәндикләрини вә шокда олдугларыны дејирләр. Оғлу Халид Мәммәдли: «Биз дә она зәнҝ едирик, телефонуна зәнҝ чатмыр. Мәлумат ҝөзләјирик. Она ҝөрә һеч нә дејә билмәјәҹәјик».
Мараглыдыр ки, Халид Халидин сахланмасындан чалышдығы Әдәбијјат Институту да хәбәрсиздир. Институтун директор мүавини Мәһәррәм Гасымлы АзадлыгРадиосуна кичик елми ишчинин апрелин 26-дан ишдә олмадығыны, Ирана онлара мәлумат вермәдән ҝетдијини сөјләјиб. (О да гатыға гара демәјин зәрурәтини јаддан чыхрмајыб вә...) Онун сөзләринә ҝөрә, Халидә Халид шәһријаршүнасдыр вә ҝөрүнүр бу үздән Ирана ҝедиб.
Халидә ханым өз елми рәһбәрини дә алдадыб. Институтун Хариҹи өлкәләр әдәбијјаты вә хариҹи әдәби әлагәләр шөбәсинин мүдири, директорун бејнәлхалг әлагәләр үзрә мүшавири, Халидә Халидин елми рәһбәри Вагиф Арзумалы ҹүмә ахшамы Тренд-ә билдириб ки, әслән Ләнкәрандан олан Халидә Исмајылова апрелин 26-да онун јанына ҝәләрәк Ләнкәрана ҝедәҹәјини дејиб. О, Ләнкәрана да сүрүҹүсү Шамхалла (мәлуматларда о, Шамах кими тәгдим едилиб) ҝедиб.
Нә үчүн Халидә Исмајылова Иран сәфәрини һамыдан ҝизләјиб? Елми ишчинин сүрҹүсү олурму?
Бир шеј ајдындыр ки, Азәрбајҹанда һәбсә алынан диндарлар һөкумәтдә горху јаратдығы кими Халидә Халид вә онун кимиләр дә Иран һакимијјәтинә гаршы фәалијјәтлә мәшғулдурлар. Халидә Халид Әлијевләрин бадына ҝетмәјиб, тутдуғу јолун ағрысыны чәкир.
Бу һәбсләр давам едәҹәк. Азәрбајҹан Ермәнистана верә билмәдији нотадан јүзүнү Ирана версин. Азәрбајҹан үчүн дин тәһлүкәдирсә, Иран үчүн дә динсизлик тәһлүкәдир. Иран диндән, Әлијев режими динсизликдән әл чәкәси дејил ки. Демәк, гаршыда ејни харалтерли хәбәрләр чох олаҹаг.
Бир шүбһәли нөгтә дә будур ки, вәтәндашларынын һәбсиндән адәтән хәбәрсиз олан Әлијев режими бу дәфә Еттелаат аз гала Халидә Халидин голуна гандал тахмамыш НОТА вериб! Јаман оператив ишләјибләр...
Илгар Гафаров
Диггәт: Хәбәрдән истифадә етдикдә мәнбәјә истинад лазымдыр
