Әһли Бејт -АБНА- хәбәр аҝентлијинин вердији хәбәрә әсасән бу ҝүн һәзрәти Ханым Фатимәнин (әлејһа сәлам) анадан олан ҝүнүдүр. Бу ҝүн сөзүн әсл мәнасында Гадынлар Бајрамы ҝүнүдүр.
Биз АБНА олараг дүнја мүсәлманларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) һәзрәтләри вә онун һагг наиби Имам Хаменеи ҹәнаблары олмагла, бүтүн бәшәријјәти сәмими гәлбдән тәбрик едирик.
Ханым Зәһра (сәламуллаһи әлејһа) һаггда гыса анлајыш:
Ханым Фатимә (сәламуллаһи әлејһа) милади тарихи илә 614-ҹү илдә, һиҹрәтдән габағ Ҹәмадијәл Ахырин 20-синдә Мәккәдә дүнјаја ҝөз ачыб. Һәзрәти Фатимә (сәламуллаһи әлејһа) Әзиз Ислам Пејғәмбәри һәзрәти Мәһәммәд ибн Әбдуллаһын (сәлләллаһу әлејһи вә әла абаиһи вә алиһи сәлам) 18 јашына гәдәр јашаја билән јеҝанә өвладыдыр. Диҝәр өвладлары исә һәлә ушаг икән вәфат етмишдир. Ханым Фатимәнин (сәламуллаһи әлејһа) ушаглыг илләри Мәккәдә кечмишдир.
622-ҹи илдә атасы илә бирликдә Мәдинәјә көчмүшдүр. 623-ҹү илдә әмиси оғлу, Пејғәмбәрин Ҹанишини, Аллаһ Тәаланын јер үзүндә Пејғәмбәрдән сонра тәјин етдији Хәлифәси, Мөмүнләрин ағас,ы Әли ибн Әбу Талиблә (әлејһимәс сәлам) аилә һәјаты гурмуш вә ондан Имам Һәсән (әлејһис сәлам) (624), Имам Һүсејн (әлејһис сәлам) (626) адында 2 оғлу, Зејнәб (сәламуллаһи әлејһа) (626) адында да 1 гызы олмушдур.
8 ијун 632-ҹи илдә Ханым Фатимәнин (сәламуллаһи әлејһа) атасы Һәзрәти Мәһәммәд (сәлләллаһу әлејһи вә алиһ) шәһид едилир. Атасы Ислам Пејғәмбәри һәлә хәстәлији заманы Фатимәнин ондан сонра она говушаҹаг илк шәхс олаҹағыны она вәдә верир. Ислам Пејғәмбәринин шәһадәтиндән сонра Мүсәлманлар Аллаһ бујурдуғларындан үз чевирәрәк, Аллаһын Хәлифә тәјин етдији шәхсә бијәт ләрини сындырараг 632-ҹи илин ијун ајында “Сәгифә мәҹлси”ни тәшкил верирләр. Бу ишдән хәбәрдар олан Әбу Бәкир (Аллаһ өз рәһмәтини онлардан узаг етсин) вә Өмәр (Аллаһ өз рәһмәтини онлардан узаг етсин) Бәни Өвсла Хәзрәҹ тајфаларынын Сәгифә мәҹлсинә өзләрини чатдырараг, Әбу Бәкири (Аллаһ өз рәһмәтини онлардан узаг етсин) хәлифә сечирләр. Лакин бәзи сәһабәләр о ҹүмләдән Фатимә (сәламуллаһи әлејһа) вә онун һәјат јолдашы Әли ибн Әби Талиб (әлејһимәс сәлам) бу ишин һарам олдуғуну дејәрәк буну бидәт адландырырлар. Ислам Пејғәмбәринин шәһадәтиндән сонра хилафәти гәсб етмиш Әбу Бәкир (Аллаһ өз рәһмәтини онлардан узаг етсин), Ханым Фатимәјә (сәламуллаһи әлеја) атасындан она мирас галдығы Фәдәк бағны мүсадирә едир.
Ханымын Шәһадәти
Ханым Фатимә Ҹәмадијәл Ахыр ајынын 3-дә Мәдинәдә шәһид едилиб. Онун шәһид олмасына сәбәб евинә һүҹум олунмасы нәтиҹәсиндә гапынын гарын наһијәсинә јетирдији ағыр зәдә нәтиҹәсиндә ич ганама кечирмәси олмушдур. Бу һагда Һиҹри Гәмәринин 235-ҹи илдә вәфат етмиш Ибн Әбу Шејбә белә јазыр:
“...Өмәр Фатимәнин евинә тәрәф јолланды вә онун евинә јетишәндә деди: - Еј пејғәмбәрин гызы анд олсун Аллаһа сәнин атандан башга һеч кәс бизә әзиз дејил вә атандан сонра һеч кәс бизә сәнин гәдәр әзиз дејил. Лакин анд олсун Аллаһа бу мәһәббәт һеч вахт башына јығдығын адамлара ҝөрә еви јандырмаг әмрини вермәкдә мәнә мане ола билмәз”
[Ибн Әбу Шејбә, “әл Мусәннәф”, ҹ. 7, Китабу Мәғази – ма ҹаә фи хилафәт Әби Бәкр, сәһ. 432, һәдис 37045, Бејрут]
Даһа сонра олан һадисәләр һаггында исә ҺГ 276-ҹы илдә вәфат етмиш Ибни Гутејбә јазыр:
«....Сонра Әбу Бәкр Өмәри Әлинин евинә јығышанларын ардынҹа ҝөндәрди. Онлар евдән чыхмагдан имтина етдиләр. Бу заман өмәр әмр етди ки, одун ҝәтирсинләр вә Әлинин евинә јығышанлара деди:- Анд олсун о кәсә ки, өмәрин ҹаны онун әлиндәдир! Ҝәрәк евдән чыхасыныз. Әҝәр евдән чыхмасаныз еви ичиндәкиләри илә јандыраҹағам. Орада оланлардан бири Өмәрә деди: - Билирсән ки, Фатимә дә евдәдир? Өмәр деди: - Һәтта Фатимә дә евдә олса белә јандыраҹағам....»
[Ибн Гутејбә, “әл Имамәту вәс Сијасәт”, ҹ.1, сәһ. 12, Мисир]
“Әбу Бәкр Әлидән бејәт алмаг үчүн онун ардынҹа адам ҝөндәрди, амма Әли бејәт етмәди. Бу вахт Өмәр Әлиндә мәшәл Әлинин евинә тәрәф јолланды. Фатимә гапынын архасындан Өмәрә деди:- Еј Хәттабын оғлу нә хәбәрдир, мән сәни евимин гапысыны одлајан ҝөрүрәм? Өмәр деди:- Бәли! Мәни инкар етмәк сәнин атанын дининдән ағырдыр”
[Бәлазури, “Әнсабул-әшраф” ҹ. 1, сәһ. 576, Сәгифә әһвалаты, һәдис 1184, Мисир]
«Тәлһә, Зубејр вә мүһаҹирләрдән бир дәстә Әлинин евиндә ҹәм олдуглары бир вахт Өмәр ибн Хәттаб ора ҝәлиб деди:-Анд олсун Аллаһа әҝәр бејәт етмәк үчүн чөлә чыхмасаныз еви сизин үстүнүзә јандыраҹағам»
[Тәбәри, “Тарихи Тәбәри”, ҹ. 2, сәһ. 443, Бејрут]
Сонрадан Ы Әрәб Ислам хәлифәси Әбу Бәкир бу һадисә һаггында белә демишдир :
Улван ибн Давуд әл-Беҹели, Һумејд ибн Әбдурраһман-Салиһ ибн Кејсан-Һумејд б. Әбдүррәһман ибн Авф иснады илә атасы Әбдүррәһман ибн Авфтан белә рәвајәт едәр: Вәфат етдији хәстәлијиндә зијарәт үчүн Һәзрәти Әбу Бәкрин һүзуруна ҝедиб салам вердим… Әбу Бәкр белә деди: Мән исә, дүнјада етдијим үч шејә каш ки етмәсәјдим, етмәдијим үч шеји дә каш ки етсәјдим, үч шејә дә нә ола бунлары Пејғәмбәрә с. а. а сорајдим дејә кәдәрләнирәм. Каш ки етмејејдим дедијим үч шеј: 1) Каш ки Фатимәнин евинә һүҹум етмәсәјдим !...
(1 Тәбәрани, "Муҹәм әл-Кәбир", ҹ. 1, с. 62
2 Тәбәри, "Тарихи Тәбәри", ҹ. 3, с. 429-430
3 ибни Әсакир, "Тарих", ҹ. 30, с. 417-418
4 әз-Зәһәби, "Тарих әл-Ислам", ҹ. 3, с. 118
5 Муттәги Һинди, "Кәнзул Уммал", ҹ. 5, с. 252, Һәдис : 14113
6 ибн Әбил Һәдид "Шәрһи Нәһҹүл Бәлағә" ҹ. 2, с. 47
7 Мәсуди, "Муруҹуз Зәһәб", ҹ. 2, с. 194
8 Әбу Абдуллаһ Мәһәммәд ибн Әбдүлваһид ибн Әһмәд әл Мәгдиси, "Әл Әһадисил Мухтара", ҹ. 1, сәһ. 90)
Һаггында нәгл олунан кәламлар
"Ханым Фатимеји Зәһранын (ә) намазда Аллаһ–тааланын горхусундан нәфәси чәтин ҝедиб-ҝәләрди."
[Әлламә Мәҹлиси, "Биһарул Әнвар", ҹ. 70, сәһ. 400, һәдис 72]
Аллаһын Пејғәмбәри(с):«Гызым она ҝөрә Фатимә адланыб ки, Аллаһ-таала ону вә ону севәнләри оддан (Ҹәһәннәмдән) узаг едиб.»
[Шејх Туси, "Әмали", сәһ. 300]
Имам Садиг (ә):«Фатимәнин Аллаһ јанында доггуз ады вар: Фатимә, Сиддигә, Мүбарәкә, Таһирә, Зәкијјә, Рәзијјә, Мәрзијјә, Мүһәддисә, Зәһра.»
[Шејх Сәдуг, "Әмали", сәһ. 474, һәдис 18]
Умарә:«Имам Садигдән (ә) сорушдум ки: Фатимәни нә үчүн «Зәһра» (парлаг) адландырыблар?» Бујурду:«Чүнки о меһрабда дајананда онун нуру сәма әһлинә, улдузларын јердә оланлар үчүн сачмасы кими сачырды.»
[Мәани әл-Әхбар, сәһ. 64, һәдис 15]
Аллаһын Пејғәмбәри(с):«Фатимә мәним бәдәнимин бир парчасыдыр. Ону севиндирән мәни севиндириб вә ону гәмләндирән мәни гәзәбләндириб. Фатимә мәним үчү
