Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Суријанын мүхтәлиф бөлҝәләриндә террорла мүбаризәдә үстүн ирәлиләјишләр әлдә едән Сурија Милли Ордусу, Һомс рајонуна табе Гсајр реҝионунда чохлу сајда гәсәбә вә кәндләри, террористләрдән тәмизләјәрәк, сабитлији јенидән мәнтәгәдә тәмин едәрәк, ади јашајышы вәтәндашлара гајтарыб.
Сурија Милли Ордусу Һалидијә, Сәкраҹә, Бурһанијә, Рызванијә, Ејн әл-Танны, Сәфсәфә, Нәһријә, Ејн әл-Сәмән, Мовҹ вә даһа бир чох гәсәбә вә кәндләрдә террорчуларла ҝирдији шиддәтли гаршыдурма заманы араларында хариҹи вәтәндашларын да олдуғу чохлу сајда террористи ҹинајәт аләтләријлә бирликдә тәсирсиз һала ҝәтириб.
Хаин вә гәддар террорчулар гәсәбә вә кәнд әһалисини ев вә мүлкләриндән говараг, евләри, мәктәбләри вә бүтүн аваданлыглары тәхриб едәрәк, террор јуваҹыгларына чевирибләр.
АБШ, Авропа Бирлији, Түркијә вә гондарма сионист режими тәрәфиндән дәстәкләнән гәддар террорчулара гаршы Тәмизләнмә Әмәлијјаты апаран Сурија Милли Ордусу, јараглыларын гәрәрҝаһлары, бөлҝәдән бөлҝәјә дашынмаг вә силаһ сахламаг үчүн истифадә етдикләри бир чох тунелләри тапараг дармадағын едиб.
Билдирәк ки, Гсајр вә онун әтраф мәнтәгәләри, Ливан сәрһәдләринә јахын олдуғу үчүн, террористләрин хариҹдән Суријаја сызыб, силаһ вә мүһимат кечирмәләри бахымындан стратежи бир әһәмијјәт кәсб едирди.
Диггәт: Хәбәрдән истифадә етдикдә мәнбәјә истинад лазымдыр
