Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Русијалы сијасәтчи вә иҹтимаи хадим Максим Шевченко Бостон фаҹиәсиндә АБШ-ын Азәрбајҹанла бағлы планларынын “изләриндән” данышыб. Политолог Бостон фаҹиәсиндә “гафгаз изләринин” тапылмасынын һеч дә тәсадүф олмадығыны билдириб:
“Ахы истәнилән јәмәнли, Сәудијјә Әрәбистанындан олан бирини, “Әл Гаидә”ни ҝөстәрмәк оларды. Лакин Гафгаз радикаллары сечилди. Америкалылар билмирләр Дағыстан һарадыр, лакин онлар ҝөрүнүр Чеченистанын нә олдуғуну билирләр”.
Онун сөзләринә ҝөрә, ҝәлән ил Әфганыстандан НАТО гошунларынын чыхарылмасына башланаҹаг вә гошунлар Азәрбајҹандан кечәҹәк. Бу террор исә АБШ-а имкан верәҹәк ки, бурада әһәмијјәтли дәрәҹәдә гошун сахласын: “Хүсусилә дә радары сахлајыб-сахламамагла бағлы әтрафында бу гәдәр мүзакирәләр ҝедән Азәрбајҹанын шималында јерләшән Гәбәлә стансијасы, кечмиш совет һәрби базасында. Ики ил әввәл орада һәрби-нәглијјат тәјјарәләрини гәбул едә биләҹәк бөјүк, мүасир аеродром инша едилди. Мән әминәм ки, бу Гафгаз изинин сығынаҹағы алтында онлар Азәрбајҹанда, Гафгазда өз дөјүш бөлмәләрини јерләшдирмәк үчүн гануни сијаси имкан әлдә едәҹәкләр вә ону “анти-террор бөлмәси” адландыраҹаглар. Һесаб едирәм ки, бу Русијанын марагларына бирбаша зәрбәдир”.
Диггәт: Хәбәрдән истифадә етдикдә мәнбәјә истинад лазымдыр
