Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасы, Систан вә Бәлучистан әјаләти Полис Команданлығынын Иҹтимаи мәсәләләр үзрә Рәис Мүавини Әли Изәди вердији мүсаһибәдә билдириб: “Чабаһар лиманынын Тәһлүкәсизлик Полис Алајынын әмәкдашы Муһәммәд Шәһбази, силаһлы гаршыдурма заманы, гулдурлар тәрәфиндән ачылан атәш нәтиҹәсиндә синә наһијәсиндән јараланараг, Шәһидликин уҹа зирвәсинә јүксәлмишдир”.
Әли Изәди, даһа сонра һадисәнин деталллары һагда данышараг дејиб: “Әлдә етдијимиз мәлуматлара әсасән, Чабаһар лиман шәһәриндәки “Н” сајлы јашајыш мәнзилиндә хејли мигдарда силаһ вә сүрсатларын олдуғу билдирилди. Полис патрул әмәкдашлары, дәрһал гејд олунан мәнтәгәни мүәјјән едиб, мүһасирә етмәк мәгсәди илә, әразијә дахил олдулар. Әмәкдашларымызын евдә ахтарыш кечиртмәк үчүн, әлләриндә мәһкәмә әмринин олдуғуна бахмајараг, дөрд тәрәфдән мүһасирә олунмуш гулдурлар, полис әмәкдашларына мүгавимәт ҝөстәрәрәк онлара одлу силаһлардан атәш ачмышлар”.
Систан вә Бәлучистан әјаләти Полис Команданлығынын Иҹтимаи мәсәләләр үзрә Рәис Мүавини сонра билдириб: “Силаһлы гулдурлар илә, Полис әмәкдашлары арасында јашанан гаршыдурмада, 4 силаһлы гулдур һәлакәтә јетириләрәк, бир иддәси јахаланмыш, мәнзилдән исә, чохлу сајда силаһ вә сурсат Полис тәрәфиндән кәшф едиләрәк, әлә кечирилди”.
Полис Команданлығынын Иҹтимаи мәсәләләр үзрә Рәис Мүавини сонда дејиб: “Тәсүфлә гејд етмәлијик ки, гаршыдурма заманы, Полис патрул бөлмәсинин әмәкдашларындан бири, дүнјасыны дәјишәрәк, Шәһид олуб”.
Диггәт: Хәбәрдән истифадә етдикдә мәнбәјә истинад лазымдыр
