Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Апрелин 22-си Бакы Апеллјасија Мәһкәмәсиндә мәһбус сијасәтчи Немәт Пәнаһлы барәсиндә ики ај әввәл чыхарылмыш гәрардан шикајәт үзрә просес кечирилиб.
Февралын 25-дә Хәзәр Рајон Мәһкәмәси 17 сајлы Ҹәзачәкмә Мүәссисәсинин рәиси Ариф Мирзәјевин Немәт Пәнаһлы барәдә тәгдиматына бахыб. Тәгдиматда Немәт Пәнаһлынын дахили низам-интизамы дәфәләрлә поздуғу иддиа олунуб. Һаким Немәт Пәнаһлынын һәбсхана режиминә көчүрүлмәсинә гәрар вериб.
Вәкил Елчин Әлијев дејиб ки, Немәт Пәнаһлы Бакы Апеллјасија Мәһкәмәсинин һакими Ҹамал Рамазановун сәдрлији илә кечирилән просесә ҝәтирилмәјиб: “Мәһкәмәдә буна етираз етдим, билдирдим ки, Немәт Пәнаһлынын просесдә иштиракы мүтләг тәмин олунмалыдыр. Пәнаһлылар аиләсиндән мәнә верилән мәлумата ҝөрә, мәһкәмә олаҹағыны Немәт Пәнаһлыја сон анда дејибләр. Немәт Пәнаһлы әсәбиләшиб ки, нијә вахтында демәмисиниз, мән һазырлашмалы, өзүм үчүн гејдләр етмәлијәм. Хәбәрин она ҝеҹ чатдырылмасына етираз олараг Немәт Пәнаһлы мәһкәмәјә ҝәлмәкдән имтина едиб”.
Һаким нөвбәти просеси апрелин 25-нә тәјин едиб.
Милли азадлыг һәрәкатынын өнҹүл сималарындан олан Немәт Пәнаһлы 2011-ҹи ил јанварын 8-дә тутулуб, хулиганлыг вә гәсдән сағламлыға аз ағыр зәрәр вурма иттиһамы илә ШӘРЛӘНӘРӘК 6 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
