Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Апрелин 22-дә мөвҹуд әлијевләр режиминин Нәриманов Рајон, анти-Ислам Мәһкәмәсиндә Һиҹаб мәһбусларындан 8 нәфәринә һөкм охунуб.
Азадә Рөвшән Аллаһвердијев, Илһам Һәтәмов, Анар Гасымлы, Тәрлан Ағададашов 5 ил 6 ај, Давид Кәримов, Телман Ширәлијев 6 ил, Мирадаш Гулујев, Ҹејһун Гулијев 5 ил мүддәтинә “заһири азадлыг”дан мәһрум едилибләр.
Хатырладаг ки, өтән ил октјабрын 5-и Бакыда, Тәһсил Назирлијинин бинасы гаршысында “Һиҹаба Азадлыг” аксијасы кечирилмишдир. Аксијада етиразчылар полисләрин кәскин гәддарлығы илә үзләшмишләр. Һадисәјә ҝөрә 40-а јахын шәхс һәбс едилиб.
Онлар, әлијевләр режими тәрәфиндән әнәнәви олараг Ҹинајәт Мәҹәлләсинин 315.2 (һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә) вә 233-ҹү (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри илә ШӘРЛӘНИБЛӘР.
ШӘРЛӘНӘН шәхсләрин мәһкәмәси групларла апарылыр. Апрелин 22-дә барәсиндә һөкм чыхарыланлар бу иш үзрә мәһкум едилән илк групун үзвләридирләр.
Диггәт: Хәбәрдән истифадә етдикдә мәнбәјә истинад лазымдыр
