Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән АБШ-ын Мен штатынын Нүмајәндәләр Палатасы вә Сенаты Дағлыг Гарабағы мүстәгил дөвләт кими таныјан бирҝә гәтнамә гәбул едиб. Хәбәри Ермәнистанын “Армтодај.инфо” сајты јајыб.
Мәлумата ҝөрә, гәтнамәдә дејилир ки, Дағлыг Гарабағ тарихи ермәни торпағыдыр, 1921-ҹи илдә диктатор Сталинин әмри илә Совет Азәрбајҹанына верилиб. Сәнәддә 1988-ҹи илдә бөлҝәдә баш галдыран сепаратчылыг милли азадлыг һәрәкаты кими гијмәтләндирилир, Дағлыг Гарабағын 1991-ҹи илдә мүстәгиллијини елан етдији, инди онун демократик дөвләт олдуғу вурғуланыр.
Гәтнамәдә АБШ президенти вә Конгресинә “Дағлыг Гарабағ Республикасы”нын мүстәгиллијини танымаға чағырыш јер алыр.
Охшар гәтнамәләр даһа әввәл Массачусетс вә Род-Ајленд штатларында гәбул олунуб.
Диггәт: Хәбәрдән истифадә етдикдә мәнбәјә истинад лазымдыр
