Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Нәҹәфүл Әшрәф шәһәриндәки Тәглид Мәрҹәләрини вә Нәҹәф Елми Һөвзәсини зијарәт едән Ајәтуллаһ Шејх Мүртәза Әшрәф Шаһруди өз тәәссүратларыны Шәфәг Хәбәр Аҝентлији илә пајлашыб.
Шејх Мүртәза Шаһруди, Ајәтуллаһ Систанинин Елми Тәһсил илә мәшғул олан тәләбәләрин вә алимләрин дөвләтә бағланмасы вә дөвләтдән мааш алмасыны мәгсәдә ујғун ҝөрмәдијини нәгл едиб.
Нәҹәф Елм Һөвзәсинин көһнә парлаг ҝүнләринә дөнмәјә башладығыны да ифадә едән Ајәтуллаһ Шаһруди, сөзләринә белә давам етдириб: Ајәтуллаһ Систани вә диҝәр Тәглид Мәрҹәләринин бәрәкәтли вүҹудлары сајәсиндә Нәҹәф Елм Һөвзәси иншаАллаһ чох јахын заманда өз көһнә парлаг ҝүнләринә дөнәҹәк.
О, даһа сонра ҝөрүш заманы Ајәтуллаһ Систани ҹәнабларынын Нәҹәф Елм Һөвзәсинин физики вә мәнәви мөвгејинин ҝүҹләндирилмәсинин лазым олдуғундан данышара, хүсусилә бир нөгтәни диггәтә чәкәрәк чох мүһүм олдуғуну вурғулады вә белә билдирди: “Елм тәһсил алан тәләбәләр вә тәблиғлә мәшғул олан алимләр әлләриндән ҝәлдији гәдәр дөвләтә бағлы олмагдан вә дөвләтдән мааш алмагдан чәкинмәлидирләр. Чүнки бу заман әрзиндә онларын фәалијјәтләринә мәнфи тәсир едәҹәк”.
Диггәт: Хәбәрдән истифадә етдикдә мәнбәјә истинад лазымдыр
