Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Нидерландын Мәдәнијјәт вә инкишаф үзрә Принс Клаус Фонду Авропадакы һәмкарларынын мәсләһәти илә “Тарих-мәдәни вә тәбии ирси горума” ҜҺТ-и иҹтимаи нәзарәт комитәсинә (о ҹүмләдән шәбәкәнин тәсисчиси олан “ИСЛАМ, Демократија вә Инсан Һаглары”мәркәзинә) мүраҹиәт едәрәк 2012-ҹи илдә зәлзәлә зоналарында (Загатала, Балакән, Шәки, Гах вә саир гоншу рајонларда) абидәләрә дәјән зәрәр барәдә мәлумат истәјиб. Фонд Нидерланд пајтахты Амстердам шәһәриндә тәсис олунмушдур. Һазырда орада јерләшән фонд мүхтәлиф өлкәләрдә тәбии фәлакәтләрдән вә мүнагишәләрдән зәрәр чәкән тарих-мәдәни абидәләрин мониторингини апарыр вә һесабатлар һазырлајыр.
Тарих-мәдәни вә тәбии ирси горума” ИБ тәрәфиндән тарих-мәдәнијјәт абидәләринин дөвләт горума сијаһыларында гејд олунан әразидә мөвҹуд олан ирсимиз барәдә статистик вә хроноложи мәлуматлар фонда тәгдим едиләндән, онларын мемарлыг, археоложи вә тарихи дәјәрләри барәдә билҝиләр вериләндән сонра фонд иллик һесабатларында гејдләринин даһа долғун олмағы үчүн тәшкилатдан әразијә сәфәр едәрәк бәзи фото вә видео материаллары онлара тәгдим етмәји хаһиш едиб.
Ашағыдакы шәкилләрдән ајдын ҝөрүнүр ки, зәлзәләдән зәрәр чәкмиш тарихи абидәләр, хүсуси илә дә, Мүсәлманларын ибадәтҝаҝы олан Мәсҹид чох бәрбад вәзијјәтдәдир.
Диггәт: Хәбәрдән истифадә етдикдә мәнбәјә истинад лазымдыр
