Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Тәһлүкәсизлик Назирлији (ЕТТЕЛААТ) гаршыдакы сечкиләрдә иғтишашлара јол верән шәхсләрин ҹидди формада ҹәзаландырылаҹағыны билдириб.
Иран Ислам Республикасынын Тәһлүкәсизлик Назири Һөҹҹәтүл Ислам Һејдәр Мүслиһи Ҹәнаблары гаршыдакы сечкиләрдә хариҹи кәшфијјат идарәләринин вә хүсуси органларын мүдахилә етмәк еһтималына тохунараг билдириб ки, бунларын гаршысы алынаҹаг, ҹидди формада ҹәзалар тәтбиг едиләҹәк.
Ҹәнаб Мүслиһи 4 ил әввәл президент сечкиләриндә баш верән һадисәләрә тохунараг дејиб: “Иран Ислам Республикасынын Тәһлүкәсизлик Назирлији бүтүн сәјләрини гаршыдакы сечкиләрин фәал кечирилмәси үчүн тәһлүкәсизлик тәдбирләринә јөнәлдәҹәк”.
Гејд едәк ки, Иран Ислам Республикасында мүһафизәкарлардан, ислаһатчы вә мүстәгил шәхсләрдән 16 нәфәр намизәдлијини ирәли сүрүб. Јахын ҝүнләрдә мүһафизәкарларын јени намизәдләринин адларынын ачыгланаҹағы ҝөзләнилир. Ислаһатчылара ҝәлдикдә исә онларын танынмыш сималарынын намизәдлији илә бағлы дәгиг фикирләр сәсләнмир.
Диггәт: Хәбәрдән истифадә етдикдә мәнбәјә истинад лазымдыр
