Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹанын ишғал алтында олан торпагларында, Шушада ермәниләрин дәстәји илә “Талыш радиосу” ачылма ила бағлы Русијада јашајан, Дини тәшкилата рәһбәрлик едән, әслән Азәрбајҹанын Талыш бөлҝәсиндән олан танынмыш илаһијјатчы Фамил Ҹәфәров Исламазери.аз-а мүнасибәт билдириб.
Фамил Ҹәфәров радио мәсәләсини тәхрибат адландырараг дејиб: "Әлбәттә ишғал олунмуш Азәрбајҹан әразисиндә радио ачмаг сијаси мәгсәд ҝүдүр. Шуша ишғал олунанда сон анларда өзүнү танк алтына атыб шәһид олан мәһз Талыш Халгынын Мүбариз Оғулларындан бири олуб. Һәм дә Гарабағда Талышларын хүсуси ҹанфәшанлыгла дөјүшүб мүгавимәт ҝөстәрдикләрини јахшы билән ермәниләр биләрәкдән бу аддыма әл атыблар. Буна онлары тәһрик едән Азәрбајҹан һөкүмәтинин Талышларла бағлы олан нашы сијасәтидир. Гарабағда гәһрәманлыгла дөјүшән Талыш Халгынын Алим Өвлады Новрузәли Мәммәдовун зинданда өлдүрүлмәси вә Һилал Мәммәдовун һәбс едилмәси, һәмчинин Талыш дилиндә радионун олмамасы ермәниләрә бәһанә верир ки, бу нашы сијасәтдән суи-истифадә етсинләр".
Диггәт: Хәбәрдән истифадә етдикдә мәнбәјә истинад лазымдыр
