Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Әрдәбилин Ислам Шурасы Мәҹлисиндәки нүмајәндәси Мәнсур Һәгигәтпур дејиб: Ирана гаршы бөјүк иттиһамлар ирәли сүрүлүб. Гарабағ мүһарибәсиндә ермәниләрин хејринә бир иш ҝөрмүшүкмү? Бакыда бир рәсми ардынҹа идик ки, бу мәсәләләри онунла бирликдә һәлл едәк. Мән ҹаваб верәм вә халг шүбһәләрин гајнағындан мәлуматлы олсун. Лакин һәр кимлә Гарабағдан сөз ачырам, мәсәләни дәјишир. Инсан адәтән өзү мүгәссир олдуғу иш барәсиндә данышыгдан гачыр.
Мәнсур Һәгигәтпур Бакыда Гарабағ мәсәләсинин ҹидди мүбаһисәсинин дондурулмасы үчүн сәјләр барәсиндә јазыб: Гарабағын ишғалы гара ләкәдир вә ҝөрүнүр һөкумәт әсла Гарабағы азад етмәк ардынҹа дејил. Нә үчүн? Чүнки әввәла онлар бәрбәзәкли јашамаға өјрәшмиш шәхсләрдир. Ҝүллә сәсиндән горхур вә өзләринә башағрысы јаратмаг истәмирләр. Икинҹиси бу иш һәгиги бир ордуну тәләб едир. Рүшвәт вә әсҝәрләрин өлүмү әсас меһвәри олан орду, намаз гылмаг ҹинајәти илә инсанлары кәнарлашдырылан вә һәрби тәҹһизат вә тәлимләри олмајан орду һансы иши ҝөрә биләр? Тәәссүфләр ки, Азәрбајҹанда да орду чиркли пулларын јујулмасы үчүн бир бәһанәдир. Азәрбајҹан һөкумәти сионист режимдән силаһ алыр. Лакин өһдәлик дә ҝөтүрүр ки, онлардан Ермәнистана гаршы истифадә етмәсин. Һәгигәтпур Азәрбајҹан Республикасы парламентинин бир депутаты илә јазылы мүбаһисәсинә тохунараг јазыб: Хәбәрләри изләјән шәхсләр билирләр ки, өз сөзүмү чатдырмаг үчүн бир мүддәтдир Азәрбајҹан Милли Мәҹлисинин депутаты Сијавуш Новрузову телевизијада ҹанлы јајым шәрти илә Араз чајынын кәнарында ики өлкә арасындакы проблемләр барәсиндә данышыглар апармаға дәвәт етдим. Чох истәјирдим ки, һәм Азәрбајҹан Республикасы халгы, һәм дә Иран халгы бу данышыглары ҹанлы шәкилдә изләсинләр вә шаһид олсунлар ки, мүнасибәтләрин сојуглуғу јалныз дүшмәнин мәкрли планыдыр. Бу ики халг бир-биринин гардашыдыр вә севҝидән башга бөлмәјә бир шејләри јохдур. Лакин Новрузовун сон ҹавабындан мәјус олдум. Әҝәр о десәјди ки, ҝәлән Новрузда Гарабағда данышаҹағыг, севинәрдим. Лакин деди ки, ҝәлән ил Тәбриздә “парламент сәдри” оланда мүзакирә апараҹағыг! Азәрбајҹан Республикасы Милли Мәҹлисинин депутаты вә һаким Јени Азәрбајҹан партијасынын рәһбәрләриндән бири бејнәлхалг һүгуг вә нормалардан да хәбәрсиздир. Бири сорушмалыдыр ки, ҹәнаб Новрузов! Әҝәр бу гәдәр ҝүҹүн варса, нә үчүн Гарабағы ҝери алмырсан? Сән 20 илдир супер ҝүҹләрин гаршысында әјилибсән ки, Гарабағы алсынлар вә сизә гајтарсынлар. Лакин Иран 33 илдир ки, дүнја империалистләри илә дөјүшүр. Бир гарыш белә олсун ҝери аддым атмајыб вә бир дәфә олсун белә әјилмәјиб. Ҹәнаб Сијавуш Новрузов! Тәбризи дүнја һомосексуалларынын мејданына чевирдијиниз мәзлум Бакы илә ејни шәкилдә ҝөрүрсүнүз? Јадынызда галсын ки, һеч бир тәбризли һәтта бош чамаданы белә сизә әманәтә вермәз. Ираны ҝәзин вә Тәбриз әһлинин етимадыны ҝөрүн. Тәбриз әһалисини бир уҹу Тәл-Әвивдә, бир уҹу исә Вашингтонда олан галстукла алдатмаг олмаз. Һамымыз билирик ки, Азәрбајҹанда парламент депутатлары неҹә сечилирләр. Елшад Абдуллајевин видеолары бунлары јахшы формада нүмајиш етдирди. Лакин Тәбриз Бакы дејил ки, бир шәхс рүшвәтлә, сифаришлә вә јахуд киминсә һесабына парламентин депутаты олсун. Мән әдәбә риајәт едәрәк ајры-ајры јазыларда Новрузовун ҹавабыны вердим. Мән истәјирдим ки, јаранмыш шүбһәләрә ҹаваб верәм. Амма әҝәр сәдагәтлик јери олмазса, гујуја јахынлашан инсан диҝәрләрин хәбәрдарлыгларына инанмаз.
Диггәт: Хәбәрдән истифадә етдикдә мәнбәјә истинад лазымдыр
