Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Гарабағ мүһарибәсиндә иштирак етмиш әфган дөјүшчү узун илләр Азәрбајҹан Республикасында јашамасына вә азәрбајҹанлы илә аилә гурмасына бахмајараг бурада јашамаг үчүн сәнәд ала билмәмәсиндән наразы галыб.
АзНеwс сајтынын мәлуматына ҝөрә, Әбдүл Һәким Әзизинин Азәрбајҹана јолу 1992-ҹи илдә башлајыб.
Әбдүл Һәким Әзизинин Азәрбајҹана ҝәлиши Гарабағ мүһарибәсиндә көнүллү кими иштирак етмәк арзусундан доғуб.
Онунла бәрабәр даһа бир нечә әфган ҝәлиб вә Фүзули бөлҝәсиндә дөјүшүбләр.
Әбдүл Һәким дејир ки, бу барәдә данышмаг асан дејил, һәм дөврүн чәтинлији, һәм дә инди атәшкәс дөврүндә 20 ил әввәл оланлары хатырламаг бахымындан.
Мүһарибә хатирәләринә ҝәлдикдә исә “Буну дөјүшәнләр, о заман дөјүш бөлҝәсиндә јашајанлар билир, даһа данышмаға нә еһтијаҹ” демәклә о заманлар барәдә ачыг-ачыг данышмагдан чәкинир!
Сәбәби нәдир? Буну сөјләмир.
Гарабағ мүһарибәсиндә иштирак етмиш әфган дөјүшчү Азәрбајҹан Республикасында индики јашајышы барәсиндә дә дејиб : “Азәрбајҹанда сәнәдсиз јашамаг олмур, Әфганыстана исә гајытмаг олмаз.”
Бундан әввәл Гарабағ мүһарибәсиндә иштирак етмиш Иран Ислам Республикасы Ислами Шура Мәҹлисинин үзвү билдирмишдир ки, әфган дүјүшчүләри ИИР-ын тәшәббүсү илә Гарабағ мүһарибәсиндә Азәрбајҹан Республикасы әразиләрини мүдафиә етмәк мәгсәди илә бураја ҝәтирилдиләр.
Сон ҝүнләрдә исә Сепаһ-ын сабиг команданы Мөһсүн Рзаји бу јардымлар барәдә бәзи сиррләри ачыглајыб.
Диггәт: Хәбәрдән истифадә етдикдә мәнбәјә истинад лазымдыр
