Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 11 март 2012 тарихдә Әфганыстанын Ҹәнуб әјаләти Гәндһарын “Пәнҹвај” мәнтәгәсиндә, ишғалчы Америка Бирләшмиш Штатларынын “Роберт Билз” адлы әскәри, ресидентиал- јашајыш евләринә дахил олараг, гадын вә ушаг олмагла 16 мүлки вәтәндашы гәтлиам етмишдир.
Бу ҹинајәт илә кифајәтләнмәјән вәһши америкалы әскәр, ҹәсәдләри јандырараг нөвбәти гејри-инсани бир ҹинајәт төрәтмиш вә сонра һадисә јерини тәрк едәрәк һәрби базаја јолланмышдыр.
АБШ забитләри, ҹинајәт һадисәсиндән дәрһал сонра “Роберт Билз”и мүһакимә гәсди илә, Әфганыстандан чыхардараг Вашенгтона јолламышлар. Лакин гејд едәк ки, бу ҝүнә кими олајла бағлы һеч бир ҹидди аддым атылмајыб вә ҹинајәткар сәрбәст олараг Америка күчәләриндә долашмағындадыр.
Гејд едәк ки, Америка мәһкәмәси “Роберт Билз”и бир нечә дәфә мәһкәмәдә диндирмишдир. Лакин бу ҝүнә кими онун ҹинајәт иши илә бағлы сон гәрарын вермәјиб.
Бәзи политологларын фикринҹә исә, Америка Ордусу мәһкәмә вахтыны узадмагла, өз әскәри тәрәфиндән төрәдилмиш ҹинајәт ишинин там унудулараг јаддан чыхмасыны истәјир.
Диггәт: Хәбәрдән истифадә етдикдә мәнбәјә истинад лазымдыр
