Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Русијалы Мүсәлман вә ираншүнас Серҝеј Ҹәннәт Маркус дејиб: “Азәрбајҹан Республикасы дөвләтинин исламофобија сијасәти вә бу өлкәдә исламчы фәалларын һәбси бу өлкәнин бејнәлхалг имиҹинә зәрбәдир”.
Маркус артырыб: “Бакы дөвләтинин сон илләрдә өз мүхалифләри әлејһинә олан һәрәкәтләринин һамысы анти-Ислам маһијјәти дашыјыр. Һакимијјәт бу јолла өлкәдә мејданы ислами сијасәтчи гүввәләр үчүн даралатмаға чалышыр.”
“Дөвләтин бу зәминәдә атдығы ән әсас аддым һеч бир мәнтиги сүбут олмадан АИП сәдри Мөвсүм Сәмәдовун һәбси олубдур”-дејә ираншүнас вурғулајыб.
Експерт, доктор Сәмәдову азад инсан адландырыб вә онун јалныз өлкәдә ислами принсипләрин иҹрасындан вә дөвләтин динә еһтирамла јанашмасындан башга бир истәји олмадығыны гејд едиб.
О артырыб: “Белә бир шәхси һәбс етмәк вә ону дөвләт әлејһинә һәрәкәт етмәкдә сучламаг Бакынын исламофобија сијасәтләри чәрчивәсиндәдир. Азәрбајҹан дөвләти өз халгы илә белә рәфтар етмәмәлидир. Чүнки бу һәрәкәт давам етдији сурәтдә Бакы үчүн прогнозлашдырыла билинмәјән агибәти олаҹагдыр”.
Експерт бу сијасәтләрин сәбәбини өлкәни бүјнәлхалг аләмдә секүлар ҝөстәрмәк, АБШ, Авропа өлкәләри вә Исраилин разылығыны газанмаг үчүн олдуғуну дејиб.
О, дөвләтин мүсәлманларын һисләринә һөрмәтлә јанашмалы олдуғуну билдирәрәк дејиб: “Мүсәлманларын дини рәһбәрләринин һәбси, мәсҹидләри бағламаг дөвләтин зәифләмәсинә вә өлкә ҹәмијјәтинин бөјүк бир һиссәсинин дөвләтдән үз дөндәрмәсинә сәбәб олаҹаг”.
Маркус дејиб: “Бу өлкә президенти вә дөвләтинин өз һазыркы сијасәтләринә јенидән бахмалары вә Ислам Әмәкдашлыг Тәшкилатынын бир үзвү кими ислами шүарлара һөрмәтлә јанашмасы үчүн ҹидди хәбәрдарлыгдыр”.
“Ислам өлкәләринин интизары будур ки, Бакы өлкәдәки сијаси гүввәләрлә өз мүнасибәтләрини јахшылашдырсын”-дејә експерт артырыб.
О, сонда дејиб: “Сәмәдовун вә диҝәр мүсәлманларын азадлыға бурахылмасы Азәрбајҹанын Ислам үммәтинә һүсни-нијјәтини сүбут едә биләр. Үмидварыг ки, ҝәләҹәкдә бу өлкәдә белә һадисәләрин шаһиди олмајаг”.
Диггәт: Хәбәрдән истифадә етдикдә мәнбәјә истинад лазымдыр
