Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Москва Шиәләри Ҹәмијјәтинин сәдри Фамил Ҹәфәров Азәрбајҹанын бир сыра руһани вә исламчы фәаларынын һәбсинә мүнасибәт билдирәрәк дејиб: “Бакы дөвләтинин руһаниләр әлејһинә һәрәкәтләри бу һөкумәтин дүнја сәвијјәсиндә абрыны апарыр”.
О артырыб: “Һал-һазырда дүнјада мүсәлман руһаниләрини зиндана салан бир өлкә јохдур. Бакы дөвләтинин ҹамиәнин бу зијалылар синфи әлејһинә һәрәкәтләри онун бејнәлхалг сәвијјәдә имиҹинә зәрбә вурур”.
“Зиндана салынан руһаниләрдән бири дә АИП сәдри Мөвсүм Сәмәдовдур. О һеч бир ҹинајәт төрәтмәјиб”, дејә ҹәмијјәтин сәдри билдириб.
О артырыб: “Доктор Сәмәдов вә партијанын диҝәр үзвләринә гаршы сүрүлән силаһ сахламаг, наркотик әлдә етмәк кими иттиһамларын һамысы әсассыздыр”.
Ҹәфәров дејиб: “Бу шәхсләр мүсәлман руһаниләр, мөмин инсанлардыр. Силаһ вә нарккотик маддәләрлә һеч бир әлагәләри јохдур. Онлара гаршы јүрүдүлән иттиһамлары сахта сајырам вә онларын һәр биринин тамамилә азадлыға бурахылмасына тәкид едирәм”.
О дејиб: “Габаглар демишик, инди дә тәкид едирик ки, Азәрбајҹан дөвләтинин руһаниләрлә тәһгиредиҹи рәфтар етмәјә һаггы јохдур. Онларын гәдрини билмәк лазымдыр. Руһаниләр, пејғәмбәрләрин варисләридир вә инсанлара дүзҝүн јол ҝөстәрирләр”.
Ҹәмијјәтин сәдри артырыб: “Тарих боју шаһиди олмушуг ки, мүсәлман руһаниләр, әсасән дә шиәләр зүлмлә мүбаризәдә һәмишә өн сырада олублар, һеч бир зәрбә вә тәһлүкәдән горхмајыблар. Азәрбајҹанын торпагларынын 20 фаизи ермәни ишғалында олдуғу һалда Бакы дөвләти тәфригә јарадаҹаг һәрәкәтләрдән чәкинмәлидир”.
Ф. Ҹәфәров өлкәдә руһаниләрлә дөвләт арасыдакы ихтилафларын арадан галхаҹағына вә дөвләтин үмдә ислами принсипләри позмагдан чәкинәҹәјинә үмидвар олдуғуну да билдириб.
О сонда дејиб: “Азәрбајҹан дөвләтинин исламчы фәаллара гаршы кобуд вә гејри-инсани рәфтары давам етдији сурәтдә биз дә диндар мәһбусларын азадлығы үчүн өз һүгугларымыздан истифадә едәҹәјик вә бу јолда һеч бир сәји әсирҝәмәјәҹәјик”.
Диггәт: Хәбәрдән истифадә етдикдә мәнбәјә истинад лазымдыр
