Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасы 20 мин МВт ҝүҹүндә олан електрик енержисинин алынмасыны нәзәрдә тутан 15 иллик планы чәрчивәсиндә тикиләҹәк 16 нүвә електрик стансијаларынын јерләрини мүәјјәнләшдириб. Өлкәнин нүвә енержиси үзрә тәшкилатынын експертләри нүвә електрик стансијаларынын јерләшәҹәји, әсасән, зәлзәләләрдән вә ракет зәрбәләриндән даһа чох горунмуш әразиләри мүәјјәнләшмәси үзрә арашдырмаларыны артыг јекунлашдырыб.
Тәшкилатын мәрузәсиндә гејд олунуб ки, Иран Ислам Республикасынын електрик енержијә тәләбатыны јахын 15 илдә там нәмин етмәк үчүн өлкәдә 20 ири нүвә електрик стансијалары тикилмәлидир.
Бундан әлавә Иран Ислам Республикасында јени уран јатаглары ашкар олундуғу гејд олунуб вә уран еһтијатлары өлкәдә артыг 4,4 мин тон тәшкил етдији вурғуланыб.
Гејд едәк ки, бу ҝөстәриҹи Иранда 30 ил әввәл 1,5 мин тон сәвијјәсиндә олуб.
Диггәт: Хәбәрдән истифадә етдикдә мәнбәјә истинад лазымдыр
