Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән tанынмыш шәргшүнас ханым Аннемари Шимел (Аннемарие Сҹһиммел) 1922-ҹи ил февралын 7-си Алманијанын Орфорд шәһәриндә дүнјаја ҝөз ачыб.
Онун Шәрг барәдә арашдырма апармасына вә еләҹә дә шәргшүнаслыг факүлтәсинә дахил олмасына сәбәб ушаглығында бир әрәб нағылы охумасы имиш. 15 јашында икән әрәб дилини өјрәнән Аннемари 22 јашында Алманијанын Марбург Университетиндә мүәллимлик дәрәҹәсинә чатыб. Мараглы бурасыдыр ки, әрәб, фарс, түрк, урду вә бир чох дилләри мүкәммәл билән танынмыш шәргшүнас 1946-ҹы илдән сонра Анкара Университетиндә түрк дилини тәдрис едиб. 1951-ҹи илдә исә динләрин тарихи үзрә докторлуг дәрәҹәсинә чатыб.
Сонралар о, Һарвард, Кембриҹ вә дүнјанын бир чох университетләриндә тәдрислә мәшғул олуб. Бир нечә ил өнҹә террор едилән Пакистанын баш назири ханым Банәзир Буһутто да мәһз онун шаҝирдләриндән имиш. Бундан даһа мараглы бир мәгам исә мәшһур алман алиминин Имам Әлијә вә Имам Зејналабидинә мәһәббәтидир. Бу имамларын кәламлары һагда бир чох арашдырмалар апаран ханым Аннемари Шимел, вәфатындан өнҹә мәзарынын үстүндә Имам Әлинин мәшһур кәламларындан биринин јазылмасыны вәсијәт едиб. Һазырда онун гәбринин үстүндә бу сөзләр һәкк олунуб: “Әннасу нијамун иза мату фәнтәбәһу”. Јәни, “Инсанлар јухудадырлар, өлән заман ојанаҹаглар”.
Диггәт: Хәбәрдән истифадә етдикдә мәнбәјә истинад лазымдыр
