Әһли Бејт -АБНА- хәбәр аҝентлијинин вердији хәбәрә әсасән Түркијәнин “Үлке ТВ” каналында Азәрбајҹанын мәрһум президенти Һејдәр Әлијевлә бағлы шок иддиа сәсләниб.
Каналын "Сырадышы" програмынын 7 феврал тарихли бурахылышында Түркијәнин мәрһум президенти Тургут Өзалын зәһәрләнәрәк өлдүрүлмәси иддиалары мүзакирә олунуб. Програмын гонағы, арашдырмачы јазар Өмер Өзкаја бу хүсусда әлдә етдији мәлуматлардан данышыб.
Онун иддиасына ҝөрә, зәһәр Өзала лимонадла верилиб. Лимонад исә она Бакыда “чох ҝүвәндији, Азәрбајҹанын башындакы бир шәхс тәрәфиндән” верилиб. Өзкаја бу шәхсин Һејдәр Әлијев олдуғунун иддиа едилдијини дејиб.
Онун сөзләринә ҝөрә, Түткијәјә бу билҝини Болгарыстан хүсуси хидмәтиндә чалышан түркләрлә дост бир нәфәр верәрәк дејиб ки, зәһәр онлардан алыныб.
Түркијәли арашдырмачы јазарын сөзләринә ҝөрә, бу мәлуматы өтүрән һәмән хүсуси хидмәт әмәкдашы мәлуматы өтүрәндән бир мүддәт сонра өлү тапылыб. Онун интиһар етдији билдирилиб, амма мејитинин ашкарланма вәзијјәти өлдүрүлдүјүнү демәјә әсас верир.
Видеоја бахмаг үчүн ашағыдакы линкә тыклајын:
http://www.youtube.com/watch?feature=player_embedded&v=A9iTLlDQyL0
Диггәт: Хәбәрдән истифадә етдикдә мәнбәјә истинад лазымдыр
