Әһли Бејт -АБНА- хәбәр аҝентлијинин вердији хәбәрә әсасән Вәли-и Фагиһин Ислам Ингилабы Кешикчиләри (Сепаһ) Ордусундакы Нүмајәндәнсинин Мәсләһәтчиси Ҝенерал Јәдуллаһ Ҹәвани, Сепаһын Шимали Хорасан әјаләти үзрә мәркәзи сәлаһијјәтлиләријлә тәшкил етдији јығынҹагда чыхыш едәрәк билдириб: "Өнүмүздәки Президент сечкиләри Ислами Гурлушу үчүн хүсуси бир әһәмијјәт вә мөвге кәсб едир. Буна ҝөрә, бу сечкиләрдә ҹидди мараг ҝөстәрмәмиз лазымдыр".
Ҝенерал Ҹәвани даһа сонра Иран Ислами Республикасынын ҝәләҹәк Президент сечкиләри үчүн 4 стратежи һәдәфи нәзәрә алдығына ишарә едәрәк дејиб: "Бунларын биринҹиси халгын әһатәли бир шәкилдә бу сечкиләрә гатылмасыны тәмин етмәк, икинҹиси сағлам вә азад бир сечкинин кечирилмәси, үчүнҹүсү халгын етибарыны газана билән јол илә бир рәгабәтин мејдана ҝәлмәси, дөрдүнҹүсү дә, тәһлүкәсизлик проблеминин јаранмасына јер вермәмәкдир".
Ҝенерал Ҹәвани чыхышынын давамында Ислам Ингилабы дүшмәнләринин Иран Ислам Республикасы әлејһинә јүрүтдүјү санксијаларынын јанында гејд олунан Президент сечкиләри үчүн дә ҝениш вә ҹидди планлар дүшүндүјүнә ишарә едәрәк дејиб: "Дүшмәнин ән мүһүм ссенариси бу сечкиләрин бөһран вә ҝәрҝинлик мүһити ичәрисиндә тәшкил едилмәси вә нәтиҹәдә Ислам Гурулушунун тәһлүкәјә дүшмәсидир. Бу әввәлҹәдән гурулмуш ҹидди бир һијләдир. Бу барәдә чох ајыг олмаг лазымдыр..."
Диггәт: Хәбәрдән истифадә етдикдә мәнбәјә истинад лазымдыр
