Әһли Бејт -АБНА- хәбәр аҝентлијинин вердији хәбәрә әсасән кечән һәфтә Ислам Пејғәмбәринин (сәлләлаһу әлејһи вә алиһ) милад бајрамы вә Бин Әли диктатор режимин деврилмәсинин ил дөнүм ҝүнү мүнасибәти илә кечирилән бајрам шәнлијиндә вәһаби әгидәли сәләфиләр “Сејјиди Бу Сәид” зијарәтҝаһына һүҹум чәкәрәк, зијарәтҝаһы вә ичәрисиндәки бүтүн китаблары, о ҹүмләдән орада олан хејли мигдарда Гуран Кәрими јандырмыш. Бунунлада Тунис халгынын шәнлик бајрамыны матәмә чевирмишләр.
Тунисин тарихи әсәрләр үзрә мүтәхәссиси олан Јусиф әл-Сәдиг билдириб: “Сон баш верән фаҹиәви һадисәдә чохлу сајда тарихи китаблар, о ҹүмләдән надир китаб олан “әл-Нәгд” күл олараг јаныб арадан ҝедиб... Бу зијарәтҝаһда олан бәзи китабларын дүнјада һеч бир нүсхәси јох иди...”
Һадисәдән билаваситә сонра, Тунис дөвләти, кечән һәфтә тәсдиг етдији фөвгәладә лајиһәјә әсасән өлкә дахилиндәки бүтүн зијарәт мәркәзләринин горунуб сахланмасы гәрарын вериб.
Гејд едәк ки, Тунисдә сајы 3 јахуд 10 мин нәфәр арасында тәхмин едилән вәһаби әгидәли радикал сәләфиләр өтән 8 ај әрзиндә өлкәдә 35-дән артыг зијарәтҝаһа јүрүш етмиш вә од вурараг јандырмышлар.
Диггәт: Хәбәрдән истифадә етдикдә мәнбәјә истинад лазымдыр
