Ҝенерал Ҹәзаири: “Суријанын ҹаваб атәши, сионист режимин бөјүк сарсынтыја салаҹаг”

Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Силаһлы Гүввәләрин Баш Гәрарҝаһынын Бәсиҹ (Көнүллүләр) вә Мүдафиә Мәдәнијјәти үзрә Мүавини, Ҝенерал Сејјид Мәсуд Ҹәзајири, сионист исраил режиминин Сурија торпагларына етдији сон тәҹавүзүнә вә јәһуди гырыҹыларынын Дәмәшгдәки Мәркәзи Тәһгигатларын бомбаламасына ишарә едәрәк билдириб: “Әлдә етдијимиз бәзи хәбәрләр тәсдиг едир ки, һал һазырда ишғал олунмуш Фәләстин торпагларында (сонист исраил режиминдә) бөјүк руһи ҝәрҝинлик јашаныр. Јәһуди мүһаҹирләри дә ҝери, ҝәлдикләри јерә, дөнмәк фикриндәдирләр.”  Силаһлы Гүввәләрин Баш Гәрарҝаһынын Бәсиҹ (Көнүллүләр) вә Мүдафиә Мәдәнијјәти үзрә Мүавини даһа сонра билдириб: “Ислам Мүгавимәт Һәрәкаты Суријанын неҹә гисас алаҹағыны бөјүк сәбирсизликлә ҝөзләјир. Америка Бирләшмиш Штатлары вә сионист режими чох ҝөзәл анлајыр ки, Сурија Дөвләтинин мәсәләјә сакит јанашмасынын сону вардыр.”  Ҝенерал Сејјид Мәсуд Ҹәзајири, мүстәмләкәчи дөвләтләрин вә сионист режиминин сүгута доғру ендијинә ишарә едәрәк билдириб: “Артыг империалист вә мүстәмләкәчи дөвләтләрин дүнја халгларына гаршы тәтбиг етдикләри “Вур вә Бич” дөвраны сона чатыб. Ҹинајәткарлар анламалыдырлар ки, јени әсрдә мүстәгил милләтләрә вурдуглары һәр бир зәрбәнин архасында, ҹаваб зәрбәси олараг, ағыр бир зәрбә дурур вә бунун һансы заман вә һансы мигдарда һәјата кечмәсини исә истиглалтәләб вә анти-империалист милләтләрин ирадәси тәјин едир.”  Бәсиҹ (Көнүллүләр) вә Мүдафиә Мәдәнијјәти үзрә Мүавин сонра дејиб: “Сурија дөвләтинин сионист исраил режиминә верәҹәји ҹаваб атәши, ишғалчы режимә бөјүк сарсынты кечиртмәји мәҹбур едәҹәк.” Ҹәнаб Ҹәзаири сонда, сионист режиминин, Сурија Дөвләтинин Тәһгигат Мәркәзини вураҹағыны габагҹадан билән өлкә башчыларыны да јәһудиләрин ҝөрдүкләри ҹинајәтдә шәрик билди.     Диггәт: Хәбәрдән истифадә етдикдә мәнбәјә истинад лазымдыр