Әһли Бејт -АБНА- хәбәр аҝентлијинин вердији хәбәрә әсасән Исмајыллы да баш верән мәлум үсјандан сонра рајонда вәзијјәт нисбәтән сакитдир. Анҹаг бу о демәк дејил ки, исмајыллылар һәр шејлә разылашыблар. Онлар иҹра башчысы Низами Әләкбәровун истефа вермәсини вә бунунла јанашы ҹамаатдан үзр истәмәсини тәләб еләјирләр...
Рајон һәлә дә полис нәзарәтиндәдир
Бир груп рајон сакини сосиал дурумлары вә үзләшдикләри әдаләтсизликләрлә бағлы Илһам Әлијевә шикајәт мәктубу илә мүраҹиәт едәҹәкләрини дејирләр. Бунунла бағлы һазырда рајонда имза топлама кампанијасына старт верилиб.
Аксијалар заманы тутулан инсанларын әксәријјәтинин пајтахта вә диҝәр бөлҝәләрә ҝөндәрилдијини дејән сакинләр онларын ҝәләҹәк талејиндән нараһат олдугларыны билдирибләр. Исмајыллы сакинләринин сөзләринә ҝөрә, етираз аксијаларынын ара вермәсинә бахмајараг, инсанлара гаршы тәзјигләр давам едир. Аксија әввәлҹәдән лентә алыныб, кадрларда ҝөрүнәнләр ахтарылыб тапылыр вә һәбс олунурлар. Рајонда һәлә дә хејли сајда полис гүввәләри вә Дахили Гошунларын әсҝәрләри әразидә тәһлүкәсизлијә нәзарәт едир.
Рајон һәлә дә полис гүввәләринин нәзарәтиндәдир. Белә ки, иҹра һакимијјәтинә ҝедән бүтүн јоллар ҹидди нәзарәтдәдир. Талыстан кәндиндән рајонун мәркәзинә ҝәлән јолда вә башг абир нечә јердә полис посту гурулуб. Бундан багаш шәһәрдә Чевик Полис Алајынын әмәкдашларыјла јанашы Дахили Гошунлар да ҝөзә дәјир. Рајон сакинләриндән алдығымыз мәлумата ҝөрә, әразидә дәбилгәли, силаһлы полисләр дә долашыр.
Назир оғлунун бир нечә ММҸ-си
Исмајыллыдакы олајын сәбәбкары кими Фүзули Әләкбәровун оғлу Вүгар Әләкбәров гејд едилсә дә, рәсмиләр буну јалан олдуғуну билдирдиләр. Һәтта иҹра башчысы Низами Әләкбәров гардашы оғлу Вүгар Әләкбәровун һадисә јериндә олмадығыны сөјләди. Бу азмыш кими билдирди ки, јандырылан “Чыраг” һотелинин Әләкбәровлара һеч бир аидијјәти јохдур.
Анҹаг “Реал”ын сәдри Илгар Мәммәдов блогунда Мәдәнијјәт вә Туризм Назирлијинин сајтындан ҝөтүрдүјү мәлуматы пајлашмагла иҹра башчысы вә башга рәсмиләри ифша етди. Назирлијин сајтында гејд олунуб ки, Исмајыллы шәһәри Низами күчәсиндә јерләшән “Чыраг” отели “ВАФИ” ММҸ-јә мәхсусдур, ММҸ-нин тәсисчиси исә Әләкбәров Вүгар Фүзули оғлудур. Мәлумат сосиал шәбәкәләрдә ҝениш јајыландан сонра назирлијин сајтындан јығышдырылыб.
Бундан башга Вүгар Әләкбәровун “Фаҹебоок” сосиал шәбәкәсиндә профили үзә чыхыб. Вүгар Әләкбәров профилинин албом сәһифәсиндә “Чыраг” һотели илә бағлы мүхтәлиф шәкилләр гојуб. Бу да үзә чыхандан сонра сәһифә бағланыб.
“Азадлыг” радиосунун арашдырмасына ҝөрә, Верҝиләр Назирлијинин рәсми сајтында јазылыб ки, “Чыраг” отелинин саһиби “ВАФИ Туризм” ММҸ-дир. Мәлуматда дејилир ки, “ВАФИ Туризм”ә “Чыраг” отелини ишләтмәк үчүн өтән ил декабрын 26-да лисензија верилиб. Тәсисчиси Һәсән Исмајыловдур. “Һәмин сајтда охшар адла ”ВАФИ Реҝион" ММҸ һагда да мәлумат јерләшдирилиб. Бу гурум да Исмајыллы шәһәриндә фәалијјәт ҝөстәрир.
Рәсми сәнәддә һәмин ММҸ-нин тәсисчисинин Вүгар Фүзули оғлу Әләкбәров олдуғу билдирилир. “ВАФИ Реҝион”ун һүгуги үнваны Исмајыллы шәһәри М.Оруҹов 100 ҝөстәрилир.
Анҹаг һәмин үнванда јашајан Руһијјә Ҹавадова 2009-ҹу илдән бурда јашадығыны белә бир ММҸ-дән хәбәрсиз олдуғуну дејиб. “ВАФИ Реҝион” исә 2010-ҹу ил августун 4-дә гејдијјатдан кечиб.
“Азадлыг” гәзетинин бөлҝә мүхбири Елчин Исмајыллынын дедијинә ҝөрә, “Чыраг” отели тикиләркән онун әтрафына чәкилән һасарын, еләҹә дә ишчиләрин ҝејимләринин үзәриндә “Импротех Реал Естате” ММҸ-нин ады јазылыб.
Верҝиләр Назирлијинин сајтындакы мәлуматда исә һәмин коммерсија гурумунун тәсисчиләриндән бири “РЕЈ” ММҸ вә Әләкбәрова Ирадә Ҹәлал гызыдыр. Бурда да Вүгар Фүзули оғлу Әләкбәровун ады кечир, “РЕЈ”ин гануни тәмсилчисидир.
Верҝиләр Назирлијинин сәнәдләриндә Вүгар Әләкбәровун “ВАФИ ҸОНСТРУҸТИОН” ММҸ-нин дә тәсисчиси олдуғуна раст ҝәлдик.
Бакыдан ҝәләнләр инсанлара диван тутурлар
29 јашлы Исмајыллы сакини Турал Умудлу “Азадлыг” радиосуна ачыгламасында дејиб ки, ону јанварын 24-дә јолда тутублар. Даһа сонра полис бөлмәсинә апарыблар: “Мәни дөјә-дөјә полис бөлмәсинә апардылар. Бизи бир отаға салдылар. 10 нәфәр идик. Чевик Полис Алајынын әмәкдашлары төкүлдүләр үстүмүзә. Бир-бир һамымызы вәһшиҹәсинә дөјдүләр. Јерли полисдән бизә әл галдыран олмады. Бизи дөјән, ишҝәнҹә верән Чевик Полис Алајынын әмәкдашлары иди. Резин дәјәнәк, јумруг, тәпик. Онлар јетишдирилмиш идманчылар иди. Онларын неҹә дөјмәсини тәсәввүр един. Ахшам саат 9-дәк бизи полисдә сахладылар. 9-дан сонра полис шөбәсинин арха гапысындан чыхарыб УАЗ маркалы полис машынына долдурдулар. 9 нәфәри ајаг үстә, әјилмиш вәзијјәтдә Ҝөјчај КПЗ-ә апардылар. Синәмә вурулан чохсајлы јумруг зәрбәләри нәтиҹәсиндә бу дәгигә нәфәс алмагда чәтинлик чәкирәм”.
Турал Умудлу 400 манат ҹәримә олунандан сонра бурахылыб.
Исмајыллы сакини Рәһим Фактијев дә јанварын 24-дә һәбс олунуб. Ахшам ону бурахыблар. О, дејир ки, рајон полис идарәсиндә ону инҹитмәјибләр. Анҹаг јолда вурублар: “Мәни гапымын ағзында тутмушдулар. Ушағын ардынҹа күчәјә чыхмышдым. Ҝөзјашардыҹы газдан истифадә едирдиләр. Апаранда мәнә ишҝәнҹә вердиләр, вурдулар. Анҹаг полисдә инҹитмәдиләр. Мәни вуран ҝәлмә полисләр иди. Өз рајонумузун полисләри һеч нә етмирдиләр”.
“Һәбс олунанлара ағыр ишҝәнҹә верилиб, һазырда вәзијјәтләри ағырдыр”
Рајон сакинләри дејирләр ки, олаја ҝөрә һәбс олунанларын сајы јүз нәфәрдән артыг олуб, анҹаг онларын бир һиссәсини азад едибләр: “Ҝөјчај полисиндә он нәфәр галмышды. Дејиләнә ҝөрә, сәккиз нәфәр Бакыја апарылыб, Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәсиндә сахланылыр. Отуз нәфәрин һәбсдә олдуғу билдирилир”.
Мәлуматлара ҝөрә, һәбс олунуб, сонрадан бурахылан рајон сакинләринә ағыр ишҝәнҹә верилиб, һазырда вәзијјәтләри ағырдыр.
Рајон сакини Елвин Әмирәлијевин атасы Низами Әмирәлијев “Медиа форум” сајтына дејиб ки, 22 јашлы оғлу дөрд ҝүндүр Исмајыллы Рајон Полис Шөбәсиндә сахланылыр вә әлавә һеч бир мәлумат ала билмир: “Отел јанан заман оғлум да орада олуб. Оғлум дејиб ки, ҝедиб ҝөрдүм отел јаныр, бир дәнә јанан картону ҝөтүрүб атдым кәнара. Елвини сәһәр ҝәлиб евдән апардылар. Онлара галса, бүтүн оланлары, дағынтылары мәним оғлумун бојнуна гојарлар. Анҹаг әлләриндә факт јохдур”.
Рајон прокурору Раһиб Сејидов “Медиа форум”а олајла бағлы истинтагы Республика Прокурорлуғунун Ағыр Ҹинајәтләрә Даир Ишләр үзрә Истинтаг Идарәси апардығыны дејиб: “Истинтаг групу һазырда Исмајыллыдадыр вә ишини давам етдирир. Мән онларын ишинә мүдахилә етмирәм. Онларын иши башга, мәним ишим башгадыр”.
Диггәт: Хәбәрдән истифадә етдикдә мәнбәјә истинад лазымдыр
