Әһли Бејт -АБНА- хәбәр аҝентлијинин вердији хәбәрә әсасән Исмајыллыда вәзијјәт һәлә дә ҝәрҝин олараг галыр. Чевик Полис Алајы вә Дахили Гошун һиссәләринин мүһасирәсиндә олан Исмајыллыда һәр ҝүн һәбсләр баш верир. “Полисләр видеочәкилишләрә бахыр вә мәлум һадисәләрдә иштирак едәнләри мүәјјән едәрәк һәбс едир.
“Азадлыг”ын бөлҝә мүхбири Елчин Исмајыллынын вердији мәлумата ҝөрә, Һәбсләр агерссив вә гануна зидд гајдаларда апарылыр. Тәсәввүр един, ҝеҹә саатларында евләрә басгынлар едилир. Ушаг, гоҹа, гадын билмирләр. Кимисә һәбс етмәк үчүн ҝәлән полисләр гаршыларына чыханлара да зор ишләдирләр. Һәбс едиләнләрә шөбәдә ишҝәнҹә верилир. Вәтәндашларла дүшмән ким рәфтар едирләр”, - дејә әмәкдашымыз билдириб.
Онун сөзләринә ҝөрә, полисләр әрзаг мағазалырна вә иҹтимаи иашә објектләринә дә басгын едирләр: “Сәбәб будур ки, ҹамаат онлара һеч нә сатмыр. Сатмагдан имтина едирләр. Бунлар да һиддәтләниб мағазалара басгын едиб истәдикләрини ҝөтүрүрләр, пулуну да вермирләр. Бүтүн бунлара Исмајыллынын полис рәисинин мүавини Шөһрәт Кәримов рәһбәрлик едир. Полис рәиси Низами Гоҹајев бу мәсәләләрә гарышмыр. Мүшаһидә олунан одур ки, полис рәиси рајон сакинләринә гаршы гәддарлығын әлејһинәдир. Мүмкүндүр ки, бу бахымдан ону просесләрдән кәнарлашдырыблар”.
Елчин Исмајыллы әлавә едиб ки, рајона зиреһли техника да јеридибләр: “Ҹамаатын ҝөзүнү горхутмаг истәјирләр. Лакин әһалидә хоф јохдур. Онлар һесаб едирләр ки, һаглы олараг етираз аксијасы кечирибләр”.
Бөлҝә мүхбиримиз ону да билдириб ки, шаһмат үзрә 3 гат өлкә чемпиону олан Рамил Ҹавадов һәлә һеч бир хәбәр јохдур: “Рамил Ҹавадов јанварын 24-дән јоха чыхыб. Мүвафиг гурумлара мүраҹиәт етмишик һеч бир мәлумат вермирләр. Рајонда сөз-сөһбәт ҝәзир ки, ону өлдүрүбләр. Она ҝөрә дә барәсиндә һәр һансы мәлумат вермирләр”.
Дүнән һәмчинин мәлумат јајылыб ки, иҹра башчысы Низами Әләкбәров тутдуғу вәзифәсиндән азад едилиб. Бөлҝә мүхбиримиз рајонда да белә сөз-сөһбәтләрин ҝәздијини дејиб: “Лакин бу мәлуматы дәгигләшдирмәк мүмкүн дејил. Иҹра һакимијјәтинә јахынлашмаг олмур. Полис ора јахынлашан һәр кәси дәрһал һәбс едир. Һәтта мәним өзүмү дә журналист олмағыма бахмајараг сахламышдылар”.
Исмајыллыдан јени видео вә фотолар
http://www.amerikaninsesi.org/media/video/1591386.html
http://www.azadliq.org/media/video/24884332.html
Диггәт: Хәбәрдән истифадә етдикдә мәнбәјә истинад лазымдыр
