Әһли Бејт -АБНА- хәбәр аҝентлијинин вердији хәбәрә әсасән "кечән дәфә Бакынын мәркәзиндә әсҝәр өлүмүнә етираз едән бир груп ҝәнҹин кечирдији аксијаны анлајышла гаршыладыг. Биз иҹазәсиз аксија иштиракчыларына она ҝөрә тохунмадыг ки, онларын арасында валидејнләр, шәһид аиләләри варды. Лакин сабаһа тәјин олунан аксијада белә олмајаҹаг”.
Бу сөзләри “Гафгазинфо”ја ачыгламасында Бакы Шәһәр Баш Полис Идарәсинин рәис мүавини, полис полковники Сәһләб Бағыров дејиб.
Рәис мүавини билдириб ки, сабаһ һәр һансы бир шәхс иҹазәсиз аксијаја тәшәббүс едәрсә, онун тәшкилатчылары вә иштиракчылары сахланаҹаг вә барәләриндә ҹидди ҹәза тәтбиг олунаҹаг:
“Биз һеч бир аксијаја етираз етмирик. Ҝедиб иҹазәләрини алсынлар, јалныз разылашдырылмыш јерләрдә сөзләрини десинләр. Әкс һалда кимлијиндән асылы олмајараг, бу дәфә асајиши позан, әһалинин сых олдуғу јерләрдә гармагарышыглыг јараданлар барәсиндә ҹидди өлчү ҝөтүрүләҹәк”.
Диггәт: Хәбәрдән истифадә етдикдә мәнбәјә истинад лазымдыр
