Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Мексика Федерал Мәһкәмәси бу өлкәдә Һејдәр Әлијевә гојулан “Бүт”үн демонтажы барәдә гәрары ләғв етмәк истәјән Азәрбајҹан сәфирлијинин шикајәтини тәмин етмәјиб.
Гејд едәк ки, сөзүҝедән “Бүт” өтән јај Мехикода уҹалдылыб. Буна ҝөрә, Азәрбајҹан һөкумәтинин паркын реконструксијасы үчүн 5 милјон доллар ајырдығы билдирилир.
Јерли һөкумәтин Азәрбајҹанын үчүнҹү дөвләт башчысына абидә гојма гәрары һүгуг мүдафиәчиләри тәрәфиндән тәнгид атәшинә тутулмушду. Тәнгиди бу јахынларда һөкумәт нүмајәндәси дә дәстәкләјәрәк билдирмишди ки, «диктатора абидә гојмаг Мексикаја башуҹалығы ҝәтирмәз».
Нојабрын сонларында експерт комиссијасы шәһәр һөкумәтинин Һејдәр Әлијев “Бүт”үнү мәркәзи паркдан башга јерә көчүрмәсини төвсијә етмишди. Експертләрин фикринҹә “Бүт” јахынлыгда олан Маһатма Ганди, Авраам Линколн вә Мексиканын мили гәһрәманларынын абидәләри илә дисһармонија јарадыр.
Шәһәр һөкумәти һәлә ки, гәти гәрар вермәјиб.
Азәрбајҹан сәфирлији Әлијевин “Бүт”үнүн ҝөтүрүлмәсинин гәти әлејһинә чыхыш едиб. Дипломатик миссијанын рәһбәри сәфир Илгар Мухтаров билдириб ки, “Бүт” јерли һөкумәтлә Азәрбајҹан сәфирлији арасында разылыг әсасында гурашдырылыб вә мүгавиләјә риајәт олунмалыды: «“Бүт” ҝөтүрүләрсә, бу, Азәрбајҹанла Мексика арасында әлагәләрин кәскин писләшмәсинә ҝәтирәҹәк, һәмчинин һеч бир инвестисија һәјата кечирилмәјәҹәк, ән сон тәдбир исә сәфирлијин бағланмасыды».
Диггәт: Хәбәрдән истифадә етдикдә мәнбәјә истинад лазымдыр
