Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән “Фарс көрфәзи әрәб өлкәләринин Әмәкдашлыг Шурасы”, “Али Хәлифә” режиминин тәһлүкәсизлијин тәмин етмәк мәгсәди илә, Бирлијин тәсис етдији “Көрфәз Баталијонун” нөвбәти һәрби биригадасыны Бәһрејнә јеридир.
Бу барәдә, Бәһрејнли фәаллар, тәкидлә билдирибләр: “Көрфәз Баталијонун” нөвбәти јени һәрби биригадалары, кечән һәфтәдән башлајараг, “Мәлик Фәһд” көрпүсү (Бәһрејнлә Сәуди Әрәбистан арасында салынан көрпү) вә Бәһрејн һәрби һава лиманы васитәси илә, өлкәјә дахил олур.
Бәһрејн фәаллары, “Көрфәз Баталијону”на аид нөвбәти јени бригадаларын, кечән һәфтәнин Чаһаршәнбә ҝүнү, 9 Јанвар 2013 тарихдән башлајараг, сәһәр радәләриндә Бәһрејнә дахил олдугларыны билдирибләр.
Хатырладаг ки, Бәһрејн Халгынын гејрилегал Али Хәлифә падишаһлыг режиминә гаршы 14 Феврал 2012 тарихдән башланан “Динҹ Ингилаб”ларындан сонра, Али Хәлифә режими, ағыр силаһлар илә хијабанлара төкүләрәк, Азадлыг Сәсини уҹалдан Бәһрејнлиләри гәтл вә гарәт етмәјә башлајыб. Лакин Гәһрәман Бәһрејн Халгынын истәкләри гаршысында аҹиз галан АлиХәлифә режими, “Фарс көрфәзи әрәб өлкәләринин Әмәкдашлыг Шурасы”нын, хүсуси илә дә Сәудијјә Әрәбистанын һәрби һәмкарлығы илә, Бирлијин тәсис етдији “Көрфәз Баталијону”н, Бәһрејнә јеридиб.
Гејд едәк ки, Али Хәлифәнин тәһлүкәсизликини тәмин етмәк мәгсәди илә, Бәһрејнә јеридилән “Көрфәз Баталијону”, өлкәдә јүзләрлә ҹинајәт төрәтмишдир.
Фарс көрфәзи әрәб өлкәләринин Әмәкдашлыг Шурасы
Фарс көрфәзи әрәб өлкәләринин Әмәкдашлыг Шурасы алты Әрәб өлкәсиндән ибарәт олан, игтисади вә иҹтимаи објективләри олан игтисади бир бирликдир.
25 Мај 1981 тарихиндә гурулан бу бирлик Күвејт, Бәһрејн, Сәудијјә Әрәбистаны, Гәтәр, Бирләшмиш Әрәб Әмирликләри вә Оман дөвләтләриндән ибарәтдир.
Бу дөвләтләр арасындакы игтисади разылашма 11 Нојабр 1981 тарихиндә Ријадда имзаланмышдыр. Бүтүн Көрфәз өлкәләри бу бирлијин үзвү дејил. Иран Ислам Республикасы хүсусилә дахил едилмәмишдир вә 2003-ҹү илә гәдәр үзв өлкәләр Иран Ислам Республикасына гаршы бир тәһлүкәсизлик барјери олараг иштирак етмишдир. Јәмән 2006-ҹы илдән бәри үзвлүк үчүн ҝөрүшмәләрдәдир вә 2016-ҹы илә гәдәр үзв олмағы үмид едир.
Диггәт: Хәбәрдән истифадә етдикдә мәнбәјә истинад лазымдыр
