Әһли Бејт -АБНА- хәбәр аҝентлијинин вердији хәбәрә әсасән Ҹүмә ҝүнү кечирилән "Азәрбајҹан: Хариҹи Әлагәләр, Дахили Реаллыглар" мөвзусунда гапалы, дәјирми маса мүзакирәсиндә Елшад Абдуллајевин видеолары, Рамиз Меһдијев вә диҝәр мөвзулар мүзакирә олунуб.
Адынын Елшад Абдуллајевин јајдығы видеоларда һалланмасыны нәзәрә алараг, Президент Администрасијасынын рәһбәри олан ҹәнаб Меһдијевин Азәрбајҹан Республикасынын Коррупсијаја Гаршы Мүбаризә Үзрә Комитәсинә сәдрлик етмәсинин "парадоксал" олмасы дејилиб.
Дискуссијалар заманы Азәрбајҹанда бу ил кечириләҹәк президент сечкиләри мүзакирә едлиб вә Wikileaks -ин сыздырдығы, 2006-ҹы илдә јазылмыш АБШ дипломатик телеграмларындан бири хатырладылыб.
"Меһдијев һәмчинин сечки сахтакарлығында Совет тәфәккүрүнү тәгсирләндириб. Сәфирә дејиб ки, Совет вахты да сечкиләрә "мән ҹавабдеһ идим, инди дә мән ҹавабдеһәм". Меһдијев әввәл дејиб ки, сечкиләрә мүнасибәтдә һеч бир дәјишиклик олмајыб, амма сонра дејиб ки, 1995-2005-ҹи илләр арасында "бир гәдәр" мүсбәт дәјишиклик олуб", 2006-ҹы илдә Wikileaks тәрәфиндән сыздырылан мәхфи дипломатик телеграмда бу сәтирләрин јер алдығы топлантыда гејд олунуб.
Тәдбирдә һәмчинин Азәрбајҹанда кланларын олдуғу иддиа едилиб. "Өлкәдә Нахчыван, "Јераз" вә јени Пашајевләр кланы вар. Вә Пашајевләр кланы нәзарәти Рамиз Меһдијевин Нахчыван кланынын әлиндән алыр".
Коррупсија һаггында данышан мүһаризәчи дејиб ки, коррупсија һөкүмәт үчүн "проблем дејил, идарәетмә гануну вә механизмидир".
Һејдәр Әлијевин һејкәлләри Chatham House-да јерләшән Royal Institute of International Affairs (Бејнәлхалг Ишләр үзрә Краллыг Институту) Chatham House гајдаларына ујғун олараг, мүзакирәдә кимин иштирак етдијини ачыгламағы вә ситат саһибләринин адыны чәкмәји гадаған едир.
Мүзакирәнин мәгсәди Азәрбајҹанын сијасәтини Дағлыг Гарабағ вә енержи мөвзулары үзрә ајры-ајрылыгда дејил, "там шәкилдә" ҝөстәрмәк олуб.
Мүһаризәчи гонаглардан бири Азәрбајҹандакы дахили сијасәти мүзакирә едәркән буну "нәјин баһасына олур-олсун сабитлик" адландырыб. Диҝәр гонаг исә дејиб ки, бүтүн сијасәт "режимин сағ галмасы"на истигамәтләндирилиб.
Диҝәри исә Азәрбајҹанын сијасәти рәсмән "Гәрбә интеграсија" адландырылса да, әслиндә бу сијасәтин "Гәрблә әмәкдашлыг" формасыны алдығыны билдириб.
Мүзакирәјә һәмчинин дүнјадакы Һејдәр Әлијев һејкәлләри дә дахил едилиб. Нефт вә газ ҝәлирләринин сијаси мәгсәдини шәрһ едәрәк бир гонаг дејиб ки, бу һејкәлләр сијаси мәгсәдләри һәјата кечирмәк үчүн, "нефт пулларынын һесабына" тикилиб.
Чыхышлардан сонракы мүзакирәләрдә бир чох иштиракчы нефт сијасәти барәдә суал вериб. Гонаглардан бири исә дејиб ки, ТАНАП кими тиҹари лајиһәләр "кифајәт гәдәр сијаси дејил".
Һәмин шәхс бу ҹүр лајиһәләри Бакы-Тбилиси-Ҹејһан сазиши илә мүгајисә едәрәк дејиб ки, өлкә башчысы Илһам Әлијев "президентләрин ҝәлиб-ҝетмәсини, онларын өзүнә әл вериб ҝөрүшмәсини хошлајыр".
Сијаси мәһбус "валјутасы"Гарабағ мүнагишәсинин Азәрбајҹанын сијасәтинә тәсирини шәрһ едән гонаг дејиб ки, Азәрбајҹан вә Ермәнистанын мүнагишәни сүлһ јолу илә һәлл етмәк үчүн чалышмасы јалныз бејнәлхалг тәзјигә ҝөрәдир.
Мәсәләјә тохунан диҝәр гонаг исә дејиб ки, даһа бир һәрби мүнагишә "гачылмаздыр" вә Минск Групу Гарабағ кими мүнагишәләр үчүн нәзәрдә тутулмајыб.
"Һазыркы васитәчилик просеси демәк олар ки, зарафатдыр" дејән һәмин шәхс бу мүнагишәни Кәшмир вә Исраил-Фәләстин мүнагишәләри илә мүгајисә едиб вә әлавә едиб ки, о, ејнилә "онилликләрлә давам едәҹәк".
Сијаси мәһбуслара ҝәлдикдә исә мүзакирә заманы дејилиб ки, бу мәһбуслар "банкда пул кимидир" тәзјигләр оланда вә лазым ҝәләндә, онлары бурахмаг олар.
Диггәт: Хәбәрдән истифадә етдикдә мәнбәјә истинад лазымдыр
