Әһли Бејт -АБНА- хәбәр аҝентлијинин вердији хәбәрә әсасән Мисирдә, сәләфи дүшүнҹәлиләрин һөкүмәт постларына тәсири нәтиҹәсиндә, өлкәдә әгидә азадлығына вә дини ајинләрин кечирилмәсинә гејри рәсми гадағалар гојулур. Белә ки, Мисирин “Вәгф вә Дини ишләр үзрә Назирлији” өлкәдә јашајан Шиәләрин Әрбәин мәрасимини гејд етмәкдән өтрү, пајтахт Гаһирәдә јерләшән “Мәгаму Рәсил Һүсејнә (әлејһис сәлам)” дахил олмагларынын гаршысыны алыб. Бунунла бағлы Мисир Шиәләри өлкә назирлијинә өз етиразларын билдирибләр.
Үмүмдүнја Әһли-Бејт (әлејһимус сәлам) Ассамблејасынын үзвү вә Мисир Шиәләрин фәалларындан бири сајылан “Сејјид Таһир әл-Һашими” олајла бағлы белә дејир: “Мисирдә мөвҹуд олан бәзи груплар, Мисирин “Вәгф вә Дини ишләр үзрә Назирлији”нә бир баша мәнфи тәсир ҝөстәрирләр”.
О, сөзүнүн давамында дејиб: “Вәгф вә Дини ишләр үзрә Назирлик, “Мәгаму Рәсил Һүсејн (әлејһис сәлам)”дә тәмир ишләринин апарылмасыны бәһанә ҝәтирәрәк, зијарәтҝаһы инанҹлы тәбәгәнин үзәринә бағлајыб вә Имам Һүсејнин (әлејһис сәлам) Әрбәин мәрасимин гејд етмәкдән өтрү зијарәтҝаһа топлашан минләрлә ашигләрини ҝери дөндәрмәк мәҹбуријјәтиндә гојуб”.
Мисирли Шиә фәалы даһа сонра билдириб: “Мисир сәләфиләри, “Вәгф вә Дини ишләр үзрә Назирлик”дә бөјүк нүфуза маликдирләр. Вә бүтүн бу ишләр онларын сәјләри нәтиҹәсиндә баш верир”.
Диггәт: Хәбәрдән истифадә етдикдә мәнбәјә истинад лазымдыр
