Әһли Бејт -АБНА- хәбәр аҝентлијинин вердији хәбәрә әсасән бир мүддәт өнҹә Иран Ислам Шура Мәҹлисинин Милли Тәһлүкәсизлик вә Хариҹи Сијасәт Комиссијасынын витсе-президенти доктор Мәнсур Һәгигәтпурун "ИИР Парламентиндән Азәрбајҹан Парламентинә" адлы мәктубу "АранНеwс" сајтында дәрҹ едилди. Доктор Һәгигәтпур бу мәктубда Азәрбајҹан Республикасы вә Иран Ислам Республикасы вәтәндашларынын садәләшдирилмиш гајдада сәрһәди кечмәләри һаггында Меморандумун Азәрбајҹан Парламенти тәрәфиндән ләғв едилмәсинә ирадыны билдирмишди. Мәктуб, Азәрбајҹан медиасында ҝениш әкс-сәда доғурду вә бир нечә азәри рәсмисинин реаксијасы илә гаршылашды. Бу арада өлкәнин һаким партијасынын Милли Мәҹлисдә тәмсилчиси Сијавуш Новрузов мәктуба абсурд ҹаваб верди. Доктор Һәгигәтпур да бир ачыг мәктубда Азәрбајҹан Парламентинин нүмајәндәсини әдәб гајдаларына риајәт етмәјә вә өзүнүн тарихи көкләри барәдә дүшүнмәјә дәвәт едиб.
Иран Ислам Шура Мәҹлисинин Милли Тәһлүкәсизлик вә Хариҹи Сијасәт Комиссијасынын витсе-президентинин мәктубу беләдир:
Бисмиллаһир-рәһманир-рәһим
Ҹәнаб Сијавуш Новрузов
Салам.
Сијавушҹан, билирсән ки, әдәб јахшы бир шејдир. Иран азәриләри әдәбли вә меһрибан инсан олмаглары илә мәшһурдурлар. Лакин, ҹанаб алинин дедикләриндән әдәб ији ҝәлмир. Зәһмәт олмаса, азәрбајҹанлы олмағында бир гәдәр дүшүн. Ола билсин, әдәбсиз вә Аллаһдан гафил үнсүрләрлә јолдашлығыныз сизин әдәбсизлијинизә сәбәб олуб.
Сијавушҹан, тәклиф едирәм, о ҝөзәл адынын кечмиши барәдә тарихи мүталиә ет. Ҝөр бу адын тарихи һансы өлкәнин вә һансы халгын әфсанәләриндә өзүнә јер тутуб: тарих боју Сијавуш адындан түркләр истифадә едибләр, ја тәкҹә бу ады Иран тарихиндә, Арија тајфаларында тапырсан?
Ҹәнаб Сијавуш, әҝәр бүтүн лүғәт китабларыны арашдырсан бу ады јалныз Иран, Аран, Теһран вә Бадкубәдә тапаҹагсан.
Јахшы олар ки, бир гәдәр өз сој көкүн барәдә дүшүнәсән вә ҝөрәсән ки, бу ҝүнләри сизә неҹә бир сахта кимлик дүзәлдибләр. Әҝәр бағландығын милли көкү тапсан бу милләтин икијә парчаланмасыны вә вәһдәтә еһтијаҹлы олдуғуну баша дүшәҹәксән.
Доғрусу, ҹәнаб Сијавуш, демишдин ки, Иран вә Азәрбајҹан вәтәндашларынын садәләшдирилмиш гајдада сәрһәди кечмәләри һаггында Меморандум кечмиш ССРИ дөврүндә имзаланыб. Әҝәр сәнин дедикләрин дүзҝүн олса, онда русларын инсафы Бадкубә Парламентинин сиз нүмајәндәләринин инсафындан чох олуб. Онлар бу милләтин иҹтимаи мүнасибәтләринин зәрурилијини дәрк едибләр.
Әҝәр сизин ачыгламаларыныз дүзҝүн дејилсә вә һәгигәти чатдырмырса, онда вај Бадкубә халгынын һалына ки, сизин кими тәмсилчиләри вар; гејри-реаллыг үзәриндә сөз дејирләр вә јалан данышырлар...
Аллаһ билир, бу парламентдә даһа һансы ганунлар гәбул едиләҹәк.
Ҹәнаб Сијавуш Новрузов, биринҹиси бу Меморандум Һашими Рәфсәнҹанинин президентлији дөврүндә ики өлкә рәсмиләри тәрәфиндән бағланыб вә ҝедиш-ҝәлиш 45 км ениндә јашајан әһали үчүн нәзәрдә тутулуб, 35 км јох. Әсасән дә сәрһәд әразиләриндә јашајан әһалинин ҝедиш-ҝәлишинин асанлашмасы вә игтисади сәфәрләр мәгсәди дашыјыб. Индијә кими Аразын һәр ики тәрәфинин сәрһәд бөлҝәләринин минләрләлә әһалиси бу имкандан истифадә едиб.
Новрузхан, Иранла мәдәни, иҹтимаи, игтисади мүнасибәтләрдән данышмысан. Бадкубә Парламентинин бу барәдә гәбул етдији бир нечә ганунун тәкҹә адыны садалаја биләрсәнми? Үмумијјәтлә, сиз бу мүнасибәтләр үчүн әмәли бир аддым атмысынызмы? Һансы тәклифләриниз вардыр? Јахуд бу барәдә һеч фикирләшмирсиниз. Сиз америкалылара вә исраиллиләрә бағлысыныз, онларла там анлашмаја чатмысыныз. Аразын бу тајы илә мәдәни, иҹтимаи вә игтисади мүнасибәтләри ҝенишләндирмәји бу анлашма илә зидд һесаб едирсиниз. Сөзсүз, 45 км мәсафәдә јашајан вәтәндашларын садәләшдирилмиш гајдада сәрһәди кечмәләри һаггында Меморандумун ләғвинин бу програм чәрчивәсиндә олмасыны тәһлил етмәјә дәјәр.
Сонда сизинлә вә Азәрбајҹанын Милли Мәҹлисинин диҝәр депутатлары илә сөзү ҝедән мөвзуда, һәмчинин ики өлкә мүнасибәтләринин диҝәр мәсәләләри барәдә сәмими мүзакирәләр апармаға там һазыр олдуғуму билдирирәм.
Диггәт: Хәбәрдән истифадә етдикдә мәнбәјә истинад лазымдыр
