Әһли Бејт -АБНА- хәбәр аҝентлијинин вердији хәбәрә әсасән Президентин 26 декабр сәрәнҹамы илә әфв олунан Һөҹҹәтүл Ислам Азәр Ҹәбијев ачыглама вериб.
О, адынын әфв сәрәнҹамына дүшмәсинин онун үчүн ҝөзләнилмәз олдуғуну дејиб: “Чүнки һеч бир әфв әризәси јазмамышдым. Бу ҝүн сәһәр ҹәзачәкмә мүәссисәсиндән бурахылдым вә һазырда јахын гоһумларла Ҝәнҹәјә, евә ҝедирәм”.
Мүбариз Руһани ҹинајәткар олмадығыны, елә бу сәбәбдән президент сәрәнҹамына әслиндә онун әфв олунмасы кими бахмадығыны билдириб: “Садәҹә, буну бизи бурахмаг кими гијмәтләндирирәм. Бу јолда бизә көмәк едән һәр кәсә өз тәшәккүрүмүзү билдиририк. Аллаһ һәр кәсин зәһмәтини јүксәк гијмәтләндирсин”.
Һөҹҹәтүл Ислам һәм өз адынын, һәм дә диҝәр мәһбус диндарларын адларынын Авропа Шурасы Парламент Ассамблејасынын сијаси мәһбуслар үзрә мәрузәчиси Кристофер Штрассерин сијаһысына дүшмәсиндә вәкили Елчин Намазовун, хүсусилә һүгуг мүдафиәчиси Лејла Јунусун бөјүк зәһмәти олдуғуну вурғулајыб: “Ешитдик ки, һүгуг мүдафиәчиләри бизим адымызы һәм сијаси мәһбуслар сијаһысына, һәм дә әфв сәрәнҹамына дүшмәк үчүн ҝөндәрибләр, һәр кәсә өз тәшәккүрүмү билдирирәм”.
Сонракы фәалијјәтинә ҝәлинҹә, Азәр Ҹәбијев гејд едиб ки, Аллаһын бујурдуғу јолу давам етдирәҹәк: “Биз Аллаһын бујурдуғуну јеринә јетирмәклә мәшғул олаҹағыг, бизим һәр вахт үчүн фәалијјәтимиз бундан ибарәтдир”.
Диггәт: Хәбәрдән истифадә етдикдә мәнбәјә истинад лазымдыр
