Әһли Бејт -АБНА- хәбәр аҝентлијинин вердији хәбәрә әсасән Дүнја Мүсәлманларынын Али Лидери, Ајәтуллаһ Хаменеи “Шејтан Ајәләри” китабынын мүәллифи Салман Рүшди илә бағлы Исламын һөкмүнүн дәјишмәз олдуғуну билдириб.
Имам Хаменеинин Әсәрләринин Горунмасы вә Нәшри идарәси Имам Хомејни тәрәфиндән “Шејтан Ајәләри” китабынын мүәллифи Салман Рүшдинин “мүртәд” елан едилмәси вә барәсиндә өлүм һөкмү верилмәсинин илдөнүмү илә бағлы јајдығы ачыгламада Дүнја Мүсәлманларынын Али Лидери, сөзүҝедән фәтва илә бағлы мөвгејинин дәјишилмәз олдуғу вурғуланыб.
Ајәтуллаһ Хаменеи Ислам дини вә Һәзрәт Мәһәммәдә һөрмәтсизлик етмиш Салман Рүшдинин бәраәт алмасы һагда јајылан бәзи хәбәрләрә мүнасибәт билдирәрәк Имам Хомејнинин “Шејтан Ајәләри” китабы илә бағлы һөкмүнүн дәјишилмәз олдуғуну билдириб вә дејиб: Мүсәлманларын мүгавимәти сајәсиндә бундан сонра һеч кәс Ислам пејғәмбәри вә Ислам мүгәддәсләринә һөрмәтсизлијә ҹүрәт етмәјәҹәк.
Хатырладаг ки, Һиндистан мәншәли инҝилтәрә вәтәндашы олан Әһмәд Салман Рүшди 1988-ҹи илдә "Шејтан ајәләри" адлы китабында Ислам динини тәһгирамиз шәкилдә ашағылајыб. Ислам дүнјасында гәзәблә гаршыланан китабын нәшри бир нечә өлкәдә гадаған едилиб.
1989-ҹу илдә Имам Хомејни Салман Рүшдинин өлүмүнә даир фәтва вериб.
16 ијун 2007-ҹи илдә инҝилтәрә краличасы Икинҹи Јелизавета Салман Рүшдини “ҹәнҝавәр титулуна” лајиг ҝөрүб. 26 ијун 2008-ҹи илдә Лондонда Букинҝем сарајында II Јелизавета шәхсән ҹәнҝавәр титулуну Салман Рүшдијә тәгдим едиб.
Диггәт: Хәбәрдән истифадә етдикдә мәнбәјә истинад лазымдыр
